Most wanted sa Maynila, nalambat
MANILA, Philippines - Isa sa most wanted sa Maynila na akusado sa pagpatay sa isang lalaki ang natimbog ng mga tauhan ng Manila Police District (MPD) sa Tondo, Maynila, kamakalawa ng gabi.
Si Alvin Pinlac, ng C. Franco St., Tondo ay inaresto dakong alas-10:15 ng gabi noong Lunes habang nakikipag-inuman sa kalye sa panulukan ng Franco at Coral St., Tondo.
Batay sa hawak ng MPD na warrant of arrest na ipinalabas ni Presiding Judge Sivino Pampilo Jr. ng RTC Branch 20, si Pinlac ay inakusahang pumatay sa isang Vincent Quebral noong Enero 1, 2009.
Ang pagkakaaresto kay Pinlac ay bunsod sa paglulunsad ni MPD-Homicide chief, Chief Insp. Ismael Dela Cruz, ng operasyon para ang lahat ng mga akusadong may nakabinbin na warrant of arrest partikular sa mga may kasong murder.
- Latest
