Fetus lumutang sa inidoro ng mall

MANILA, Philippines - Isang limang buwan na fetus na hinihinalang pinalaglag ng kanyang ina ang tinangkang i-flush sa inidoro ang natagpuan ng isang janitress sa loob ng comfort room ng isang mall sa Lungsod Quezon, kamakalawa.

Sa ulat ng Criminal Investigation and Detection Unit (CIDU), ang fetus na lumutang-lutang sa inidoro ng CR ay nakita sa 4th floor ng isang mall sa North Edsa bandang alas-4:20 ng hapon. Sinasabing isang Maricar Plechero, janitress sa nasabing mall ang nakakita sa nasabing fetus habang ito ay naglilinis sa nasabing CR.

Unang inakala na dumi lamang ang fetus kung kaya tinangka ni Plechero na i-flush ito sa bowl, ngunit hindi sumama sa tubig pailalim at lumutang, hanggang sa malaman niyang isa pala itong nilalang.

Dinala na ang fetus sa St. Rafael Funeral Homes para sa kaukulang disposisyon, habang patuloy ang  imbestigasyon ng pulisya sa nasabing insidente upang matukoy ang ina nito. (Ricky T. Tulipat with trainees Mira Thea Alvarez at Kristel Anne Vergara)