Abortionist, buntis dinakma

MANILA, Philippines - Kalaboso ang isang abortionist matapos ma­aresto ng mga pulis sa aktong nag-a-abort ng babaeng buntis ng dalawang buwan sa Quiapo, Maynila.

Sa report ni P/Supt. James Afalla, hepe ng MPD-station 3, kinilala ang suspect na si Myla Castro alyas “Len-Len”, 34, ng #24 Basan St., Quiapo, Maynila at isinailalim na sa inquest proceedings sa kasong  paglabag sa Revised Penal Code, Article 256 o intentional abortion sa Manila­ Prosecutors Office.

Ang kliyenteng si Michelle delos Santos, 27, kawani ng bangko sa Binondo branch, tubong Magallanes, Cavite at nanunuluyan sa #2163 Mabuhay St., Sta. Ana, Maynila ay sinampahan din ng reklamong paglabag sa RPC Art. 258 o abortion practiced by the woman herself or by her parents.

Dakong alas-4 ng hapon nang madakip sina Castro at Santos matapos makatanggap ng impormasyon ang Plaza Mi­randa-Police Community Precinct commander na si P/Insp. Von Possel kaugnay sa isasagawang abortion sa bahay ni Castro.

Pinasok ng mga pulis ang bahay ni Castro at doon nadatnan na naka­higa si Santos habang nasa tabi nito si Castro na may hawak na parapher­nalias sa pag-a-abort kabilang ang 2 pirasong stainless forceps, bulak, white tissue paper, alcohol at baby oil.

Upang matiyak na buntis si Santos, ipinasuri siya sa Jose Reyes Memorial Medical Center na positibong 2-buwang buntis