MPD binalasa

MANILA, Philippines -  Upang mas mapabuti pa ang pagbibigay ng seguridad at serbisyo sa Manilenyo, ipa­tu­tupad ngayon ang balasa­han sa hanay ng Manila Po­lice District (MPD) na magi­ging epektibo bukas, Agosto 2.                

Nabatid na ang balasahan ay may basbas ni MPD di­rector Chief Supt. Rodolfo Magtibay. Sa inilabas na order, ang mga bagong station com­mander ay sina Sr. Supt. Ro­gelio Rosales, Jr., Station 1; Sr. Supt. Ferdinand Qui­rante, Station 2; Sr. Supt. James Afalla, Station 3; Supt. Jaime Tiu, Station 4; Sr. Supt. Fru­mencio Bernal, Station 5; Sr. Supt. Jemar Modequillo, Sta­tion 6; Sr. Supt. Ernesto Bar­lam, Station 7; Sr. Supt. Felipe Cason, Station 8; Sr. Supt. Francisco Gabriel, Jr., Station 9; Sr. Supt. Orlando Mi­rando, Station 10 at Sr. Supt. Ernesto Tendero, Jr., Station 11.                                      

Pinag-iisipan din ang ba­la­sahan sa loob mismo ng MPD headquarters kung saan ma­aapektuhan ang mo­bile divi­sion, criminal records inves­ti­ga­tion division at homi­cide divi­sion. Ipinaliwanag ni Manila Mayor Alfredo Lim, na kaila­ngan pang mas mapabuti ang pag­bibigay ng seguridad sa mga publiko lalo pa’t mahigpit ang kampanya ng pamaha­laan laban sa iba’t ibang krimen sa bansa.

Umaasa naman si Lim na pag-iigtingin pa ng mga opis­yal ang kanilang respon­sibi­li­dad upang tuluyan nang ma­wala ang mga krimen at sindi­kato sa Maynila.