Mister dakma sa sex video

MANILA, Philippines - Hindi nagtagumpay ang isang 31-anyos na mister sa maitim nitong balakin sa pagpapakalat sa inter­ net ng sex video nila ng 22-anyos niyang ex-girlfriend ma­kara­ang isuplong ito ng babae at maaresto ang una sa isina­gawang entrapment operation sa Pasig City.

Agad na sinampahan kahapon ng umaga sa Pasig City Prosecutor’s Office ng kasong robbery extortion in relation to violation of Republic Act #9262 o paglabag sa Anti-Violence Against Women and Children Act ang suspect na si Michael Sunico, residente ng Ibarra St., Sampaloc, Manila.

Nabatid na nag-ugat ang pagkakaaresto sa suspect nang mismong ang dating ka­sintahan nito na si Krystelle Anne ng Cainta, Rizal ay per­sonal na mag­reklamo sa awtoridad hing­gil sa naunang balak ng huli sa sana’y pagpa­pa­kalat nito sa internet ng kanilang sex video.

Una rin umanong tina­kot ng suspect ang biktima na kapag hindi ito nagbigay ng ka­ukulang halaga ay sadyang ipapakalat niya sa internet ang kanilang sex video na kuha sa cellular phone ng lalaki.

Bunga nito ay nakipag­kasundo ang biktima sa suspect na magbibigay na lamang siya ng P3,000 ka­palit ng hindi na pagpapa­kalat ng huli sa internet ng kanilang sex video.

Alas-10:40 naman ng gabi nang makipagkita ang dalaga sa dating kasinta­han sa Aruba KTV Bar sa Metrowalk Com­mercial Complex, Meralco Avenue, Pasig City at dala ang naturang halaga.

Lingid naman sa kaala­man ng suspect ay una nang pumoste sa lugar ang opera­tiba ng Pasig Police District and Detective Management Division at nang akmang ina­abot na nito sa biktima ang naturang ha­laga na nagsilbing marked money ay agad na di­nakma ito ng operatiba.

Nabawi naman sa po­ses­­yon ng suspect ang isang Nokia cellphone na nagla­laman ng mga text messages ng pananakot sa biktima at ng nasabing sex video pati na ang marked money.