Bilang ng out-of-school youth mababawasan sa Maynila

Tiniyak ni Manila Mayor Alfredo Lim na mababawa­san ang bilang ng mga out-of-school youth sa su­sunod na taon matapos na pa­sina­yaan ang bagong   school building na magbi­bigay ng libreng elemen­tarya sa Francisco Balag­tas Elementary School sa Sta. Cruz Maynila. Ayon kay Lim, ang bagong school building ay mayroong 12 classrooms kung saan ang apat dito ay ilalaan naman sa mga kindergarten pupil. Bawat kindergarten class­rooms ay mayroong mga palikuran at lababo.

Nabatid na ang three-storey school building ay maaaring makapag-ac­com­­modate ng 3,000 es­tud­yante na magsisilbi ding modelo ng iba pang mga paaralan na kailangan nang ipaayos. Sinabi ni Lim na ang bagong tayong paaralan ay unang bahagi lamang ng three-phase project na naglalayong ma­bigyan ng maayos na edu­kasyon ang mga mahi­hirap na estudyante mula sa ikatlong distrito ng May­nila. Matatandaan na na­sunog ang nasabing pa­aralan noong Hulyo, 2007 kung kaya’t kinailangan ita­yong muli. (Doris Franche)