P15-M NFA rice nasabat
October 10, 2002 | 12:00am
Nasabat ng pinagsanib na puwersa ng Valenzuela City police at National Bureau of Investigation (NBI) ang humigit-kumulang na P15M halaga ng bigas ng National Food Authority (NFA) na inililipat sa ibang sako sa isinagawang raid sa isang warehouse sa nabanggit na lungsod.
Ayon sa ulat na tinanggap ni Senior Supt. Marcelino Franco Jr., district director ng Northern Police District Office (NPDO), nakumpiska ang 13,000 sako ng NFA rice sa Lucky Forwarders Inc. na matatagpuan sa #18 F. de Zafra St., Sitio Malabo, Brgy. Maysan, Valenzuela City.
Nabatid na dakong alas-3 ng hapon nang isagawa ng NBI at Valenzuela police ang nasabing raid matapos na magpalabas si Judge Floro Alejo ng Valenzuela Regional Trial Court ng search warrant laban sa isang Jorge Ang na may-ari ng nasabing kompanya.
Napag-alaman na nakatanggap ng reklamo ang pulisya hinggil sa umanoy may mga nakatagong NFA rice sa loob ng naturang warehouse at isinasalin sa ibang sako bago ibinebenta sa mga palengke sa mas mataas na halaga.
Dahil dito, nagsagawa ng operasyon ang mga awtoridad at dito nakita ang nasabing NFA rice, timbangan, ilang libong sako at mga dokumento na ginagamit sa illegal na operasyon nito.
Samantala, tila nakatunog naman ang mga empleyado ng nasabing kompanya kung kayat nagawa ng mga itong makatakas, maging ang may-ari nitong si Ang. (Ulat ni Rose Tamayo)
Ayon sa ulat na tinanggap ni Senior Supt. Marcelino Franco Jr., district director ng Northern Police District Office (NPDO), nakumpiska ang 13,000 sako ng NFA rice sa Lucky Forwarders Inc. na matatagpuan sa #18 F. de Zafra St., Sitio Malabo, Brgy. Maysan, Valenzuela City.
Nabatid na dakong alas-3 ng hapon nang isagawa ng NBI at Valenzuela police ang nasabing raid matapos na magpalabas si Judge Floro Alejo ng Valenzuela Regional Trial Court ng search warrant laban sa isang Jorge Ang na may-ari ng nasabing kompanya.
Napag-alaman na nakatanggap ng reklamo ang pulisya hinggil sa umanoy may mga nakatagong NFA rice sa loob ng naturang warehouse at isinasalin sa ibang sako bago ibinebenta sa mga palengke sa mas mataas na halaga.
Dahil dito, nagsagawa ng operasyon ang mga awtoridad at dito nakita ang nasabing NFA rice, timbangan, ilang libong sako at mga dokumento na ginagamit sa illegal na operasyon nito.
Samantala, tila nakatunog naman ang mga empleyado ng nasabing kompanya kung kayat nagawa ng mga itong makatakas, maging ang may-ari nitong si Ang. (Ulat ni Rose Tamayo)
BrandSpace Articles
<
>
- Latest
- Trending
Trending
Latest
Trending
Latest
Recommended