3 sunog naganap dahil sa blackout

Hinihinalang dahil sa naganap na malawakang pagkawala ng kuryente kamakalawa ang sanhi ng sunud-sunod na sunog na naganap sa mga lunsod ng Makati, Pasay at bayan ng Taguig kahapon ng madaling araw.

Sa Makati City, may 100 tirahan ang natupok at daang pamilya na nawalan ng tahanan ang pansamantalang nilikas sa Cembo Elem. School.

Samantala sa Baclaran, Pasay City ay isang sunog ang nagsimula sa isang commercial building at kumalat ang apoy sa katabing mga stall.

Kahapon pa rin ng madaling araw ay sumiklab ang sunog sa isang mini-garment sa Sitio Central, Bgy. Upper Bicutan.

Walang nasugatan sa nasabing mga insidente. (Ulat ni Lordeth Bonilla)