Lovers in Pari-an
Gula 39
Dili ko kana igsapayan.”
“Dili ba miingon ka man nga dili ka mahimong babag sa gugma namo ni Daniel? Pero unsa man kining gibuhat mo karon?”
“Pasayloa ko, Ros. Niining higayona bakwion ko ang akong gipasalig. Maglisod gayod ako sa paghikalimot kanimo. Dili ko kalimbongan ang akong kaugalingon. Lisod gayod alang kanako ang pagpatay sa gugma ko kanimo.”
“B-Bongkoy...”
Nagpadayon si Bongkoy sa pagpangulitawo kang Rosalinda. Apan nagpabiling lig-on ang baroganan sa dalaga. Hugot niyang gibalibaran ang gugmang gihalad ni Bongkoy kaniya. Nagpabilin siyang nagtamod sa gikasabotan nila ni Daniel.
May mga higayon nga makahunahuna si Rosalinda sa pagbiya sa panimalay ni Atty. Gumera aron mahilayo siya kang Bongkoy. Buot niyang likayan ang lalaki aron dili na kini magsamok kaniya. Apan nahinugon usab siya sa iyang trabaho. Basin dili na siya makakita og laing agalon nga sama kabuotan ni Atty. Gumera. -- Sumpayan pa
- Latest
- Trending