Porbida kadtong ok-ok

Nakaila ko si Dencio sa dihang nakauban ko siya sa konstraksiyon sa usa ka edepisyo didto sa siyudad sa Cagayan de Oro. Ako ang kapatas hinungdan nga gustong masuod ako ni bisan kinsa kanila.

"Boss Ronnie, dapiton ta ka nako sa amo karong Sabado sa gabii," hangyo ni Dencio usa ka hapon niana dayon nang pamauli.

"Way problema Den. Unsay okasyon?" matud ko nga hilig sab og inom-inom panagsa.

"Wa gud, boss Ron. Lingaw-lingaw lang usahay."

"Okey, ugma sa gabii. Magda lang sad ko’g dugang mainom. Kinsay atong kauban, Den?"

"Kita rang duha ug akong ka-live-in nga si Alice. Moinom man sad siya’g gamay," tubag ni Dencio nga nalipay’ng wa balibari.

Nianang Sabado sa hapon tapos sa among trabaho, nagkuyog mi si Dencio paingon sa iyang gipuy-an. Gipaila ko niya sa iyang kapuyo nga sa akong banabana nag-edad pa og hapit trenta anyos. Wa gyud sila makaanak hinungdan nga seksi lang gihapon.

Dali ko silang nasuod kay mosukol man sad og komedya ang iyang ka-live-in labi na kun bahin sa sex ang hisgutan.

Halos matag kinsena kun ting-suweldo mag-inom mi si Dencio sa ilang gipuy-an. Usa ka gabii niana, Sabado kadto, kauban na sab namo sa inom-inom ang kapuyo niya.

Labihang nakainom ni Dencio niadtong higayona ug dali ra kining naluro. Mihigda nalang gani kini sa sawog.

"Naunsa naman ni si Dencio nga mihay-ad naman sa sawog?" matud ko kang Alice nga namuwa usab ang nawong nga nakainom sa five years nga bino.

"Pasagdi lang na siya diha, Ron. Anha man gyud na siya makahigda kun magrabehan sa inom sa gawas. Anha na gani na diha mabuntagi." Matud ni Alie nga mipaingon sa ilang lawak.

Gumikan kay ubay-ubay naman sad ko’g nainom, nanghugot nang akong nawong sa akong pamati. Misagunson na lang ko’g inom tubig bugnaw aron maibanan ang kaigang sa lawas nga akong gibati.

Wa magdugay migawas si Alice nga nagsul-ob lang sa taas nga t-shirt kutob ibabaw sa tuhod. Mitupad siya’g lingkod nako ug nagpahiyom. Nangalimyon siya sa pahumot ug bantang kaayo ang kanal-kanal sa bus-ok niyang dughan.

"Kalit man kang nahilom diha Ron?" sukot ni Alice sa paraygong tingog.

Motubag na unta ko sa dihang usa ka ok-ok ang kalit milupad ug mitugpa sa dughan ni Alice. Labihang kisi-kisi niya labi na kay mikamang kini ilawom sa t-shirt.

Mikamang ang mananap paingon sa ubos hinungdan nga napugos siya sa pagwalis sa iyang t-shirt pataas aron kaha maklaro ang ok-ok kong asa dapita nagkamang.

Gigunitan niya ang akong tuong kamot ug maoy gigamit pagpapha sa ok-ok nga didto na ubos sa nagtuybo niyang dughan. Wa diay siya mag-short ug nabantang ang chocolate hills ubos sa iyang pus-on nga nasalipdan sa gamay'ng hapin niyang gisul-ob.

Daw nakalimot ko’s akong kaugalingon tungod sa maong talan-awon ug kalit ko siyang gigakos ug giukoban ang iyang mga ngabil. Mibawos siya’g gakos ug miagni kanako nga adto mi sa ilang lawak.

Dali kaming mipaingon sa kuwarto ug didto namo tiwasa pagkatkat ang langit sa himaya.

Tungang gabii na akong nauli sa giabtan kong balay ug wa dayon ako makatulog nga naghunahuna sa nahitabo kanamong duha ni Alice.

"Porbida, kadto gyung ok-ok ang nakaingon nga nakasala na hinuon ko’s akong asawa nga tua sa Sugbo uban sa among mga anak," nakatuaw ko sa akong kaugalingon. (Kataposan)