Premyo ni Mart wapa madawat

Mipirma na og five year contract si Mart Escudero ug ang laing lima pa ka finalists sa Starstruck 4, ubos sa Artist Center niadtong Martes.

Si Mart maoy napili nga Ultimate Loveteam tugbang ni Kris Bernal. One million pesos in cash ang premyo nga matud pa niya wala pa niya madawat apan kun madawat na niya iyang ipalit og sakyanan kay mao kini ang labaw niyang gikinahanglan.

Sama sa lima ka finalists, regular na si Mart sa SOP ug sa umaabot nga Boys Next Door, kauban ang uban pang Avengers. Sugdan na kini sa Mayo puhon.

Samtang si Jewel Misch duna nay solo project, kini mao ang ikaupat nga installment sa Magic Kamison ni Gladys Guevarra, buot ipasabot extended ang maong show imbis ang unang nasabutan mao nga one season ra kini o kutob ra sa Abril.

Suma pa sa PangMasa nga daghan og commercials ang misulod sa "Magic Kamison" hinungdan nga lugwayan pa kini. Hinuon back-to back na unya niini ang Boys Next Door sunod buwan.

Wala pay title ang fourth story starring Jewel, pero nasayran nga tulo ang iyang leading man, si Paulo Avelino, Chuck Alie ug Dion Ignacio.

Dungan niini, nasayran sa PangMasa nga balik Eat Bulaga si Glady's Guevarra, tungod kay isip "Chuchay" siya maoy mo-host sa "Little Miss Philippines" nga sugdan third week of April. Tua pa siya sa Estados Unidos alang sa duha ka semana nga bakasyon.