Robin pinagustuhan sa GMA-7

Gitin-aw ni direk Eric Quizon nga dili tinuod ang nanggawas nga taho nga nag-apil-apil o nanghilabot si Robin Padilla sa taping sa iyang project sa GMA-7, ang "Asian Treasures" with Angel Locsin.

Pasabot usab ni Robin ngadto sa PangMasa nga natural nga motampo siya og mga ideya unsaon pagkuha ang ubang mga eksena sanglit siya maoy fight instructor ug choreographer.

"Pero kami naman ng stunt director ay nagbibigay lang ng suhestiyon. Siyempre, ang final decision pa rin ay nasa kapitan ng barko, si direk Eric Quizon. Inirerespeto ko at sinusunod ang lahat ng sinasabi niya,"tin-aw pa ni Binoe.

Giklaro ni Robin nga dihang gi-offer niya ang maong project misugot siya sanglit nakauyon siya sa konsepto niini.

"Nang ipaliwanag sa akin ang konsepto istorya, ako'y natuwa dahil tamang-tama sa aking pinag-aaralan,"pong pa ni Robin.

Una niini nabutyag nga long -term ang kontrata nga gipirmahan ni Robin sa GMA-7. Pasabot usab niya niini, "hanggang gusto ko".

Gitug-an niya nga human og himo sa "Asian Treasures", duna siyay duha ka pelikula nga himoon alang sa GMA-7 unya sundan na usab kini og laing teleserye.

Gipanghimakak niya nga "spoiled" sa GMA-7 apan iyang giangkon nga tanan niyang gipangayo gihatag sa network.

"Wala namang special treatment. Nakulong nga ako, wala namang special treatment. Ayoko po kasi ng ganu'n, eh. Ako'y nagpapasalamat sa GMA dahil sa maganda nilang pagtanggap sa akin. At ito ay dahil din siguro sa nakikita nilang ibinigay ko rin naman ang lahat ng aking makakaya sa proyekto."