Concert sa Cebu Coliseum

Misamot na ka guwapo, mas malipayon ug mas nindot og outlook sa iyang kinabuhi si Mark Anthony Fernandez karon kon itandi kaniadto sa una nako siyang nahimamat. Yes, nahimamat na nako si Mark kaniadto pang Gwaping days nila ni Jomari Yllana ug Eric Fructuoso kauban usab si Jao Mapa. Ug niadtong Sabado July 16, kauban ang mga bag-ong showbiz writers ug mga batan-on lakip na ang editor niining Banat Hugyaw ug entertainment editor sa The Freeman, nahimamat na usab nako si Mark didto sa Ratsky Ayala Cebu. Kini atol sa presscon sa 'Super Inggo" ang super serye sa ABS-CBN diin kauban usab niya niadtong panahona ang ubang cast member. Matud pa sa mga taga ABS-CBN lahi gayud ang ilang serye sa kaniadtong gibitoonan ni Senador Ramon Revilla. We'll see!

Anyway niadtong Miyerkules, July 19, nagpahibawo usab ang mga kadagkoan sa Oasis of Love nga may umaabot nga concert diha sa New Cebu Coliseum uban sa mga local ug American priests nga nailado na usab isip entertainers. Usa sa mga local performers mao si Armistice Abayan, nga hangtod karon in demand pa usab kaayo og makita pa sa pipila ka mga tulumanon sa nagkalain-laing TV stations ning dakbayan.

No Names Names Dept

Nalipay na unta kaayo ko sa nahitabo sa usa sa mga suod nako sa showbiz tungod sa iyang kahimtang unta sa pundok karon diin usa siya sa gitahod. Gani miangkon usab ang iyang amahan ug mga igsoon nga nalipay kaayo sila sa nahitabo niining higala nako ug miangkon sila nga kining higala nako maoy nagdala nila aron mahimo usab nga sakop sa ilang community. Ugaling lang kay dili pa dugay nagproblema man siya sa iya mismong anak nga matud pa hangtod diay karon wa pa mobiya sa daotang bisyo labi na ang paggamit og gidili nga drugas. Hinaot nga kining anak sa akong suod nga higala makakutlo og pagtulon-an ni Mark Anthony Fernandez nga miingon nga sa pagkakaron wa na siyay pangayoon pa sa Kahitas-an kay gihatagan siya sa second chance sa iyang kinabuhi.