Luis ug Alessandra na?

Tinood ba nga uyab na sila si Alessandra de Rossi ug Luis Alandy, o paukyab ra kini alang sa ilang umaabot nga pelikula? Ang tsika sa PangMasa nagkanayon nga usa ka kasaligan nga tinubdan miingon nga nagkauyab ang duruha sa dihang nag-shooting sila didto sa Espanya alang sa ilang umaabot nga pelikula nga dunay ulohan nga "Barcelona."

Tungod niini naglibog ang mga himantayon tungod kay niadtong milabay nga buwan sa wala pa sila moadto sa Barcelona, namahayag si Luis nga seryoso siya sa iyang pagpangulitawo kang Roxie Barcelo.

Samtang si Alex usab buwag man tuod kang Jeremy Marquez apan gikataho nga makigbalik siya ngadto sa naulahi tungod kay bisan didto siya sa gawas sa nasud kanunay gihapon sila nga mag-chat sa ulitawo pinaagi sa Internet.

Wala pay komento ang duruha apan sigurado nga dili sila lum-an sa sakop sa press hangtud nga motingog na sila.

Aga ug Sharon di mag-Canada

Dili na ngadto sa Canada ang shooting sa pelikula nila ni Sharon Cuneta ug Aga Muhlach ug dili na usab si direk Laurenti Dyogi ang mogunit niini.

Nasayran sa PangMasa nga si direk Joyce Bernal na ang direktor sa maong pelikula ug sa Enero sunod tuig pa kini masugdan tungod kay duna pay gihimo nga project si Bernal ang "Agent X-44" ni Vhong Navarro ingon man sige usab ang shooting sa unang pelikula nila ni Toni Gonzaga ug Sam Milby nga magka-loveteam.

Ang maong mga proyekto ubos sa Star Cinema nga sa pagkakaron nagkapuliki na sa post production sa "Pacquiao, The Movie" tungod kay hapit na ang playdate niini.

Kagahapon gisugdan na usab sa Star Cinema ang ilang entry alang sa 2006 Metro Manila Film Festival- ang "Kasal, Kasalo, Kasali" nila ni Judy Ann Santos ug Ryan Agoncillo diin si Joey Reyes ang direktor.

Nasagap usab sa PangMasa nga dunay drama movie nga himoon si Sharon ubos gihapon sa Star Cinema diin adto sa London ang shooting niini.

Alvin Aragon but-an na

Napamatud-an ni Alvin Aragon nga responsabli siya nga amahan busa gidawat na siya sa pamilya sa iyang non-showbiz girlfriend nga iyang napamabdosan.

Usa niini matud pa sa PangMasa nga naglagot ang pamilya sa babaye ngadto kang Alvin gumikan kay bata pa kaayo sila nga magbaton og anak.

Apan nausab ang tanan sa dihang gibarugan ni Alvin ang iyang responsibilidad ug mipasalig kini nga iyang pakaslan ang iyang uyab.

Badlongon ang image ni Alvin, avenger sa Starstruck Batch 1, apan sukad nimabdos ang iyang uyab matud pa nagbinut-an na kini, gani kanunay niya nga kuyugan ang babaye aron magpa-check-up.

Excited si Alvin tungod kay gikan siya sa usa ka broken family ug karon lang siya makasinati nga magbaton og kaugalingong pamilya. - Ryan Mark

Franzen misamot ka-"hambugero"

Sa katapusan nahinabi na ni PangMasa kolumnistang Christy Fermin ang magtiayong Franzen Fajardo ug Love Joy, diin ilang giistoryahan ang mga isyu nga gibato ngadto sa kanhi housemate ilabi na ang nagkanayon nga hambugero na ug nausab na gayud si Franzen.

Nasagap sa PangMasa nga nangluod na ang mga tawo nga suod ug maoy nitabang kang Franzen kaniadto tungod kay ultimo text wala na gayud magpadala ang magtiayon.

Sa pag-istorya nila ni Manay Christy, nangangkon si Franzen nga labihan niya ka busy tungod kay sa layong mga dapit ang ilang taping ni Catherine de Castro alang sa ilang travel show sa ABS-CBN nga 'Trip."

"Bakit naman kami, mas marami pa nga kaming ginagawa sa kanya, pero nakakagawa pa rin kami ng panahong makapag-text sa mga kaibigan namin? Kalokohan ang katwiran niya. Kung hindi siya makapag-text, nandiyan naman ang misis niya na kahit saan siya magpunta, e, nakabuntot sa kanya, di ba?" pong pa sa usa ka suod nga higala ni Franzen.

"Talagang kulang siya sa pakikipagkapwa-tao, kahit sa aming mga kasamahan niya, kapos siya sa pag-alala. Siya lang sa aming lahat ang hindi nakikipag-communicate, parang ang busy-busy na talaga niya."

Nanghinaot ang maong higala ni Franzen nga unta dili busy ang mga tawo ugma damlag aron duna pa silay panahon nga maminaw sa kanhi housemate pag-abot sa adlaw nga dili na siya sikat.

Maureen boobs ray "retokada"

Nahunong makadiyot ang presscon sa "Na-Scam Ka Na Ba" tungod kay mikalit og abot ang sexy comedienne nga si Maureen Larrazabal nga gawas nga labihan ka late, labihan ka sexy ug ka guapa niini.

Pwes wala kapugngi sa mga sakop sa press ang pagpangutana gayud dayon kang Maureen kon duna ba siya'y parte sa lawas "salamat po doktor."

"Ito," diretsong tudlo sa iyang mga boobs. "Never ko namang idenenay ito. Umaamin naman ako basta totoo. Pero ito lang ang ipinagalaw ko, lahat original na," pong pa niya.

Giangkon usab ni Maureen nga duna na siya'y papa karon apan non-showbiz ang guy busa mihangyo siya nga dili nalang siya sukit-sukiton pa. Mao na ba kini ang Mr. Right nga iyang gipaabot? "Parang hindi pa, eh. Pero inoobserbahan ko pa," buhakhak niya.

Busa giklaro ni Maureen nga dili pa siya kasado sukwahi sa mga nanggawas nga taho. Matud pa niya, kinahanglang sigurado na siya sa lalaki nga iyang pakaslan tungod kay labihan ka dako og gasto ang magpa-annul.

Dungan niini, super-thankful siya tungod kay wala ug tuo ang iyang mga projects bisan pa man sa kadaghang mga artista nga mibutho karon.

"Grabe, hindi talaga nila ako pinababayaan, ang dami nilang binibigay na blessings sa akin," pong pa sa sexy comedienne.

Ang "Na-Scam Ka Na Ba," labing bag-o nga show ni Leo Martinez sa QTV-27 matag Martes sa alas otso y medya sa gabii sugod karong Hunyo 20.