Paolo ug Isabel special friends apan no commitment

Itoy ang kauban sa Sugbuanong si Isabel Oli sa dihang milugwa siya sa press conference sa iyang bag-o nga pelikula nga "Moments of Love" diin bida sila si Dingdong Dantes, Karylle ug Iza Calzado.

Apil usab sa maong pelikula ang rumored boyfriend ni Isabel nga si Paolo Contis apan wala makatunga ang naulahi sanglit duna pa kini taping alang sa laing nga show.

Apan as expected kabahin ni Paolo ug sa giingong espesyal nga relasyon nila ang giutingkay og maayo sa mga sakop sa press gikan kang Isabel.

Tsika sa PangMasa nga wala ra gihapoy bag-o sa tubag ni Isabel diin subli niyang gitin-aw nga dili pa sila managhigugmaay ni Paolo apan naa na sila sa level nga "nagpalipad hangin" na ang kanhi child star.

"Siyempre, kailangan niyang manligaw nang pormal talaga. Pero siguro,naghihintay pa siya nang time. Ako rin naman, hindi nagmamadali kaya okay lang," pong pa ni Isabel dungan sa pagtin-aw nga labihan niya ka malipayon sa kiliran karon ni Paolo.

"Sobra sobrang happy ako kay Paolo. Kasi, he's very thoughtful talaga. Kahit sa mga little things, 'yung halimbawa, may sakit ako, sobrang worried siya at saka, he's very sensitive sa feelings ko," pag-angkon pa ni Isabel.

Matud niya nga dili usab sila maisip nga MU ni Paolo tungod kay wala man sila maghisgot bisan maka usa labot sa ilang pagbati alang sa usag usa ug labaw na nga dili sila maghinunghungay og "I love you" matag karon ug unya.

"Basta, tama na muna 'yung ganito na walang commitment dahil busy rin naman kami sa careers namin."

Human sa Sugo wala pay gihulip nga teleserye alang kang Isabel apan matud pa niya nga dunay gisaad nga bag-ong soap ang Kapuso network ngadto niya.

* * *

Makita na sugod Martes si Starstruck Ultimate and Sole Winner Marky Cielo sa Encantadia-Pag-ibig Hanggang Wakas isip si Arman, ang anak nila ni Ybrahim (Dingdong Dantes)ug Odessa (Pauleen Luna.

Samtang si Ultimate Female Winner Jackie Rice musulod na usab sa Encantadia isip si Armea, ang anak nila ni Ybrahim ug Alena (Karylle), busa magsuon silang duha ni Marky.

Apan sa 10th Season sa Love to Love' sa episode nga "Young at Heart" silang duruha ang magka-loveteam.

* * *

Padayon pa gihapon ang communication tali nila ni Gian Carlos ug ni Megan Young nga kanhi niya girlfriend.

Nagbuwag ang duruha sanglit human sila nagkauyab December last year mihukom si Gian nga ipunting una niya ang iyang panahon alang sa Starstruck ug sa iyang pagsulod sa showbiz mismo.

Karon nga humana ang Starstruck ug mahimo na siya nga manguyab ni Megan gipalanog ni Gian nga wala pa gayud siyay panahon ug gani wala na sila magkita sa nahisgutan nga dalaga sanglit labihan ka puno sa iyang schedule karon.

Matud niya nga human sa final judgment, nagsunud-sunod na ang trabaho nila, sama sa TV guestings, taping, apan padayon gihapon sila nga magpadad-anay og text message ingon man mag-istorya sa telepono.

Miingon si Gian nga wala siyay plano nga iyang ilimod si Megan o ang ilang relasyon busa nag-sinabtanay na lang una silang duha nga gikinahanglan una niya nga mokayod sanglit nagsugod pa lang siya sa showbiz.