Utang buot, hulipi si Willie Revillame

Vatski: Gar, mobalik man kuno ang Wowoweee this March? Ngek! Wa sila kabantay nga murag di na maayo? Or gusto lang nila mosakay sa kasikat sa maong show? Sikat tungod sa trahedya, I mean. Pwede magmugna nalang sila'g lain nga title noh? Or basin maglisud sad ning ABS-CBN nga momugna og ngalan sa usa ka show. (Wala pay go signal kanuas-a magsugod ang bag-o nga show ug unsay titulo unya niini. Ang sigurado mao nga si Willie Revillame ra gihapon ang host-editor). Take note: niadtong ni-click ang ang Magandang Gabi Bayan, naghimo dayun sila'g Magandang Tanghali Bayan ug Magandang Umaga Bayan. Kuwang nalang Magandang Kadlawon Bayan. Saon! Ug ania pa: Home Along de Riles turned into Home Along da Airport, ug mga recycled nga uban pa! Hay!

Garry: Dili man tingali malimod Vatski nga bisan sa trahedya nga nahiaguman sa Wowowee number one gihapon ang maong noontime show, dili lang sa Cebu kun di sa tibuok Pilipinas. Kini tungod kay dunay tataw nga tumong ang maong show which is dili lang sa paglingaw sa manan-away kondili paghatag usab og paglaum sa mga kabus sa ginagmay nga pamaagi. Nan, nahinamhinam nako nga makita ang gibag-o ug mas gipanindot pa nga Wowowee. Di ba lami ang usa ka putahe'ng mag-ilis ilis kay dili sum-ol?

Vatski: Commercialized na nang ilaha kung ipadayon nila ang paggamit sa maong show title! Ngano man kuno beh? Klaro kaayong gisakyan nila ang kasikat sa maong show di ba? Daghan nang kinabuhing nakalas tungod ana, di manglimbawot ilang balahibo! And I'm sure mas ma-apektuhan pud ang mga pamilya sa mga biktima,ingon man usab ang mga survivors. Mas maayo usab tingali nga lain na lang ang mo-host sa programa dili na si Willie kay kon makita gihapon siya sa matag udto hayan manumbalik sa panumduman sa publiko ang mapait nga nahiaguman sa mga kabus ug timawa nga nanimpad. Wa nalang gyud na silay kalooy?!!!

Garry: Mahimo diay commercial ang Wowowee tungod sa trahedya? Bisan wala pa ang trahedya pwerte naman gyud nga sikata sa maong show. Tinuod adunay nakalas nga mga kinabuhi sa nahi-tabong stampede didto sa Philppine Sports Arena o Ultra apan wala kadto nato gipangandoy. Gawas pa wala gyud pasagdahi sa Kapamilya network ang mga kabanay sa mga biktima. Sa laing bahin angayan nga kita mopadayon bisan pa man sa maong trahedya ug pagsuway sa kinabuhi. So, I believe that the management made a good decision sa pagbalik sa nagpabiling nag-una nga noontime show, Wowowee.

Vatski: Number one ba oi! Hello kanus-a gud tawon na na number one? Moingon gani ka nga nag-una Gar buot ipasabot nga binuwan if not tinuig gyud ang kadugayon sa inyong pagka-number one. Pero kon makalabaw ra ka sa rating for a day, lalisonon pa na. Pwes ayaw og declare nga number one mo or ang Wowowee for that matter.

Garry:Nah! Balik nasad ta ani sa uno. Kana laging pagka-number one sa rating dili lagi na basehan kay kana ang kadaghanan sa mga respondents ana sa survey mga taga Manila. Wala na mag-represent sa kinatibuk-ang tingog sa nasud nga pilipinhon. Pero gikapoy na ko ana nga topic busa maghuman ta.

Vatski: Maypa Gar. Mohangyo lang diay ta Gar sa atong mga suki nga tigbasa aning atong column nga kon unsay gihisgutan nato karong adlawa mao ray ilang padangatan og reaksyon.

Garry: May tama ka!

Pangutana: Angayan pa ba nga ibalik si Willie Revillame isip host sa bag-ong show nga maoy ihulip sa Wowowee? I-text ang imong panahom ngadto sa 0910-2683713.