Si Rain, may Hollywood movie na

Si Jung Jee Hun, mas iladong singer nga gihinganlan og Rain, makita sa "All For Love" ug sa dili madugay, makita na usab sa big screen sa mga pelikulang himoon sa Hollywood, kay daw nagkasabot na man ang iyang management ug ang management nga nag-contact kaniya nga gikan sa usa ka movie company sa Hollywood.

Nakit-an kono sa mga taga Hollywood ang teleserye o Koreanovela ni Rain nga nag-ulohan og "Full House" nga dili pa usab dugay gikasalida sa GMA-7 dinhi sa Pilipinas og nakagusto kono ang mga producers sa Hollywood dili lang sa acting ni Rain og sa maanyag niyang ka-loveteam nga si Song Hye Kyo busa, gi-contact ang management ni Rain. Si Rain kon Jung Jee Hun giilang usa ka superstar sa Korea ug iladong usa ka concert artists. Gani, gitawag siya'g "The Gary Valenciano of Korea."