Lumontad, Cosino hari sa Leon Kilat Marathon
CEBU, Philippines - Milugwa si Niño Joel Lumontad isip labing paspas sa tanang mga entrante sa 5th Halad Kang Leon Kilat Marathon kagahapon.
Iyang gitapos ang 42.195 ka kilometro nga dagan gikan sa Carcar paingon sa siyudad sa Sugbo sud sa tulo ka oras, 40 minutos ug 42 segundos.
Mipahiluna sa ikaduhang dapit mao si Moises Bacon sa oras nga 4:00:06, labaw lamang og dos segundos ni Trixie Tura. Si Alex Dalusung maoy ikaupat sa oras nga 4:15:03 ug gisundan ni Jack Neil Labajo sa oras nga 4:25:19.
Naglangkob sa top 10 sa men’s division mao sila si Timoteo Besario (4:35:02), Dominic Panindim (4:40:18), Raymund Ababan (4:45:06), Ranie Kiamco (4:45:08) ug Wendel Kwan (4:48:25).
Sa women’s category, si Rosalinda Cosino nakadepensa sa iyang korona human mirehistro og oras nga 5:12:32. Miangkon sa nagsunod nga duha ka puwesto mao sila si Marife Dalusung (5:14:32) ug Jennifer Zabala (5:17:20).
Nalakip sa top 10 mao sila si Hannah Huang (5:45:50), Mae Cherryl Wuttke (5:48:03), Kana Rys de la Rama (5:57:32), Precious Mae Villaver (6:05:16), Jocelyn Ycong (6:07:38) ug Annalyn Baay (6:10:38).
Sa laing bahin, ang nag-unang tulo ka mananaog sa two-man relay event mao ang Team Mega Wear (4:10:17), Team Igloria (5:55:10) ug ang Bread Warriors (5:57:40). (BANAT NEWS)
- Latest
