Ryza mibalhin sa ABS-CBN

CEBU, Philippines — Pormal na nga nipirma og kontrata sa ABS-CBN kagahapon ang kanhi Kapuso star nga si Ryza Cenon.

Sa pagtikang niya sa tugkaran sa maong network, gihangop siya sa mga kadagkoan sa ABS-CBN partikular na nila si Station President Carlo Katigbak, COO for Broadcast Cory Vidanes ug Entertainment Production head Lauren Dyogi.

Matud  pa sa aktres nga ang labing una niya nga proyekto sa ABS-CBN mao ang pagsulod niya sa serye ni Coco Martin nga “Ang Probinsyano”.

Taod-taod na nga nigawas ang hungihong nga mobalhin si Ryza sa Kapamilya sukad kini nipirma og kontrata sa Viva Artist Agency .

Pangandoy sa aktres nga makauban niya sa proyekto sila si Angel Locsin ug Angelica Panganiban.

Nagsugod ang showbiz career ni Ryza  niadtong 2004 human siya nisalmot sa  GMA talent search  nga “Starstruck.”

Labing dako nga break ni Ryza sa telebisyon mao ang iyang kontrabida role isip si Georgia sa toprating series sa GMA7 nga Ika-6 Na Utos nga bag-ohay lang natapos.