Ginang nga na-missing nakit-an patay sa sapa
CEBU, Philippines - Babaye nga tulo na ka adlaw nang missing napalgan sa sapa nga patay na sa barangay Owak sa lungsod sa Asturias sa ala 1:30 sa miaging hapon. Ang namatay giila nga si Miguela Manguilimotan, 39, molupyo sa nahisgutang lugar.
Base sa imbestigasyon sa kapolisan nga kataposan nga nakit-an sa bana nga si Lorito Manguilimotan niadtong Enero 19 sa alas 4:00 sa kaadlawon.
Matud pa nga gihatag sa biktima ang iyang usa ka tuig nga anak ngadto sa iyang bana ug migawas kini sa balay apan wala na kini mabalik. Sumala pa nga kusog ang ulan niadtong higayona.
Nagtuo ang kapolisan nga natagak sa sapa ang ginang ug naanod sa baha sanglit kilid man sa sapa ang nahimutangan sa balay sa magtiayon.
Matud pa nga wala gyuy nakakita kun unsay nahitabo sa biktima ug napalgan na lang siya nga naglutaw na lang sa sapa ug nagsugod na og kadugta. (BANAT NEWS)
- Latest
