Abogado: Asa ang warrant?

CEBU, Philippines — Gikwestyon sa abogado ni Senador Ronald “Bato” Dela Rosa ang legalidad sa gitanyag nga P50 milyones ka pesos nga ganti o reward para sa makatudlo sa nahimutangan sa senador.

Ang law firm ni Atty. Israelito Torreon nikwestyon sa gianunsyo ni Interior Secretary Jonvic Remulla nga reward ug ang paghulagway niya kang Dela Rosa nga “armed and dangerous."

Una niini, gisaway ni Remulla si Dela Rosa tungod sa padayun niyang pagtago-tago bisan pa man sa subsob nga pagpangita kaniya sa mga otoridad. Nagtago-tago si Dela Rosa sukad pa atong Mayo 14, 2026, sa dihang nibiya siya sa Senado sakay sa matud pa sakyanan nga iya ni Senador Robin Padilla.

Wanted si Dela Rosa sa International Criminal Court tungod sa dugoong war on drugs sa iyang siya ang hepe sa Philippine National Police sa panahon sa administrasyong Duterte.  Si kanhi presidente Rodrigo Duterte toa karon sa The Hague human siya giaresto ug gikatakdang sugdan ang trial proper sa kasong crime against humanity karong sunod bulan.

Matud pa sa Law Firm of Torreon & Partners asa daw nga korte sa Pilipinas nagagikan ang warrant ug kasong criminal nga gibasihan niini dinhi.

Sumala pa nila, naay Department of the Interior and Local Government (DILG) ug Philippine National Police (PNP) rules bahin sa pagbutang og patong sa ulo sa mga wanted persons nga kinahanglang naay warrant of arrest nga giisyu og korte sa Pilipinas.

Matud pa niya, ang warrant batok sa ilang kliyente giisyu sa ICC ug gihagit ang mga otoridad nga mopakita og specific court order, case number, memorandum circular ug legal basis sa pagbutang og reward.— Gikan sa Philstar.com, IBM BANAT NEWS