Usa ka tasang Gugma

Unsaun pagtimpla sa usa ka tasang gugma sama sa 3 in 1 nga coffee?

Una, pag-andam og usa ka tasa

sama kadako sa tagayan

og bahal sa imong lolo

Dayun bubui sa init nga gakos,

Sambugi og usa ka kutsara nga hawok

Ug timplahi sa tam-is nga pahiyom

Kutsaraa gihapon

Kutawa, kahuga sa “stirrer”

Ayaw sa dayun imna, paabota ang pila

ka gutlo, arun di ka mapaso

Hinay-hinaya og tungab ayaw kas-aha,

arun inanay ra sab nga mahubog

Ang dughan mong naghagtob-hagtob.