Responde ng NCRPO sa emergency calls, mapapabilis!

MAY mga lugar sa Metro Manila na matindi ang trapiko at siksikan sa kalsada kaya’t dahilan ang mga ito upang mabagal ang responde ng kapulisan sa emergency situations. Sa ngayon, may solusyon na si NCRPO director Brig. Gen. Christopher Abrahano upang mapabilis ang responde ng mga pulis sa tawag ng Unified 911.  At ‘yan nga mga kosa ay ang bagong deliber na 73 motorsiklo sa mga police districts sa Metro Manila.

Malaki ang paniniwala ni Abrahano na trapik man o siksikan sa kalye, mapapabilis ang responde ng kapulisan sakay sa motorsiklo. “Every second matters during an emergency. These additional motorcycles will give our responders greater mobility and allow them to reach people in distress as quickly as possible,” ang pahayag ni Abrahano. “When the public calls 911, we want our response to be fast, coordinated, and reliable. These motorcycles will help us navigate traffic and bring police assistance closer to the community,” ani Abrahano. Hehehe! Kelangan pa bang i-memorize ‘yan?

Pinasalamatan ni Abrahano sina Interior Secretary Jonvic Remulla at PNP chief Gen. Jose Melencio “Tateng” Nartatez Jr. sa pagpapalakas ng kakayahan ng NCRPO na tumugon sa mga emergency calls at makapagbigay ng mas mabilis at epektibong serbisyo sa publiko. “We are grateful for the support of Secretary Remulla and our PNP Chief Nartatez Jr. Their support is crucial in strengthening our capability to provide faster and more responsive police services to the people of Metro Manila,” ang saad ni Abrahano.

Ang mga motorsiklo ay pinamudmod sa mga police stations sa Metro Manila na sinaksihan nina Boss Jonvic; PNP DCO Lt. Gen. Wilson Lopez, na ni-represent si Nartatez; Abrahano at iba pang opisyal sa Grandstand ng Camp Bagong Diwa sa Taguig City. Anong sey n’yo mga kosa? Hehehe! Ambot sa kanding nga may bangs!

Inatasan ni Abrahano ang mga police commanders na tiyaking maayos ang deployment ng mga motorcycle responder sa mga strategic areas at palaging handang tumugon sa mga emergency calls. “This is not simply about adding motorcycles. It is about improving our entire response system—from receiving the call, dispatching the nearest available unit, and getting our personnel to the scene safely and immediately,” ang saad Abrahano “We ask the public to help us help them. When calling 911, stay calm, provide the correct details, and follow the instructions of our emergency responders,” ang pagtatapos ni Abrahano, Abangan!