^

Banat Palaro

Hewe gikoronahang Cebu Blitz Queen

Emmanuel B. Villaruel - Banat

CEBU, Philippines — Gipildi ni Cherie Gail Hewe si Kristina Concepcion Belano, 2-0, sa kampiyonato aron sakmiton ang titulo sa Cebu Blitz Queen Chess Tournament 2026 niadtong Domingo, Nobyembre 15, sa Jamal's Cafe sa Pilit, Barangay Cabancalan, dakbayan sa Mandaue.

Si Hewe, nga maoy nanghawod sa pito ka hugna nga eliminasyon uban ang 6.5 puntos, mibulsa og P5,000 ug tropeyo isip ganti sa iyang kadaugan, samtang nakadawat si Belano og P3,000 ug medalya isip first runner-up.

Sa sangka alang sa ikatulong dapit, si Maria Kristine Lavandero mipukan ni Amacel Faith Impas, 1-0. Pareho hinoon silang mikubra og P1,500 nga premyo.

Nakahimutang sa ikalima hangtod sa ikawalong puwesto sila Maica Cadenas, Yoana Kaizzy Pacina, Loraine Belle Regidor ug Creiah Tuñacao.

Giorganisar ni chess patron Jonathan Basiga, tumong sa torneyo nga mahatagan og dugang kahigayonan ang mga babayeng magdudula nga mapakita ang ilang talento sa usa ka kompetisyon ug mapalapdan ang ilang partisipasyon sa duwang ahedres dinhi sa probinsiya.

SPORTS

  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with