^

Metro

Bagong silang na sanggol itinapon sa basurahan

Joy Cantos - Pilipino Star Ngayon

MANILA, Philippines —Nagulantang ang mga residente matapos madiskubre ang bangkay ng isang bagong silang na sanggol na nakasilid sa plastic at itinapon sa basurahan  sa tabi ng Diversion Road, Brgy. Lumbo, Valencia City, Bukidnon nitong Sabado.

Batay sa report ng Bukidnon Provincial Police Office (PPO), isang concerned citizen ang nakadiskubre sa patay na sanggol ng mapagawi ito sa lugar. Laking gulat ng nasabing concerned citizen nang buksan ang trash bin upang magtapon sana ng munting basu­ra nang mabulaga ito sa patay na sanggol na itinapon dito kaya agad itong inireport sa mga awtoridad.

Nagresponde ang mga operatiba at sinuri ang basurahan kung saan natagpuan ang sanggol na hindi natukoy kung lalaki o babae. Nakakabit pa ang inunan ng madiskubre ang sanggol sa nasabing basurahan at may bahid pa ng dugo ang tela na ipinambalot sa katawan nito.

Nagsasagawa ng imbestigasyon ang mga awtoridad upang matukoy kung sino ang ina ng sanggol at  maging ang responsable sa pagtatapon ng bangkay nito sa lugar.

PPO

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with