DMW Secretary Cacdac muling itinalaga ni Pangulong Marcos
MANILA, Philippines — Muling itinalaga ni Pangulong Ferdinand Marcos Jr. si Hans Leo Cacdac bilang ad interim secretary ng Department of Migrants Workers (DMW).
Sinabi ng Presidential Communications Office (PCO) na ang re-appointment ni Cacdac ay nagpapakita at patuloy ang trust and confidence ni Pangulong Marcos sa opisyal.
Matatandaan na na-defer ang confirmation ni Cacdac sa Commission on Appointment (CA) dahil sa kawalan ng oras matapos na mag-adjourned ang Second Regular Session ng 19th Congress.
Nauna na rin itinalaga ni Pangulong Marcos si Cacdac bilang ad interim Secretary ng DMW noong Abril, pitong buwan matapos siyang italaga bilang officer in charge ng departamento noong Setyembre 2023.
Itinalaga si Cacdac ng OIC matapos ang pagpanaw ni dating Secretary Susan “Toots” Ople, Agosto ng nakaraang taon.
Nagsilbi rin si Cacdac bilang Undersecretary ng DMW; Executive Director V ng Overseas Workers Welfare Administration (OWWA); Executive Director V ng Philippine Employment Administration (POEA); at Undersecretary ng Department of Labor and Employment (DOLE).
- Latest
