Yellow marking sa bahay ng may COVID-19 paglabag sa karapatang pantao - CHR
MANILA, Philippines — Isang uri ng paglabag sa karapatang pantao ng bawat Pilipino kung lalagyan ng yellow marking ang mga bahay ng mga may COVID-19.
Ito ang binigyang diin ng Commission on Human Rights (CHR) kasunod nang ginagawang hakbang ng ilang lokal na pamahalaan hinggil sa pagpapatupad ng granular lockdown sa kanilang nasasakupang lugar na may hawahan ng virus.
Ayon kay CHR Commissioner Gwendolyn Pimentel-Gana, hindi na dapat lagyan ng marking ang isang bahay dahil nagdudulot lamang ito ng diskriminasyon sa komunidad.
Anya, wala itong ipinagkaiba sa inilalagay na yellow marking sa mga bahay ng pinaghihinalaang drug pusher sa ilalim ng war on drugs ng pamahalaan.
Imbes na lagyan ng yellow markings, ipinayo ng CHR ang mahigpit na pagmonitor ng barangay at mga lokal na pamahalaan sa mga pamilya na nailagay sa granular lockdown tuloy bigyan ng kaukulang ayuda para matulungang gumaling sa sakit.
- Latest