15K Angkas driver sasailalim sa ‘test run’
MANILA, Philippines — Isasailalim muna sa “test run” ang may 15,000 Angkas drivers bago ang pagsisimula ng kanilang anim na motorcycle taxi service.
Ayon kay George Royeca, head ng Angkas regulatory and public affairs, kailangan munang isailalim sa “riding skills assessments” ang lahat ng kanilang bikers-partners” upang ma-meet ang dapat na ibigay na kaligtasan ng mananakay.
Sa 27,000 Angkas drivers nila, 15,000 ang hindi pa sumasailalim sa pagsasanay kaya umaasa sila na makukumpleto hanggang katapusan ng Hunyo, at magiging karagdagan na sa kanilang balik-operasyon.
“We fail over 70% of applicants to make sure that only the most capable bikers ferry passengers for Angkas,” ayon kay Royeca.
Nasa 2,000 driver ang sumasailalim sa pagsasanay araw-araw at inaasahan niyang magsisimula ang kanilang pilot test run ng mga motorcycle taxi sa ikatlo o huling linggo ng Hunyo, at tatagal ito ng anim na buwan.
Una nang inaprubahan ng Department of Transportation (DOTr) ang pilot operations ng mga motorcycle taxi sa Metro Manila at Cebu na magsisimula sa Hunyo.
- Latest