Oral sex sa PNPA: 3 cadets tatalsik!
MANILA, Philippines — Tatlong kadete ng Philippine National Police Academy (PNPA) ang namemeligrong mapatalsik matapos ang pagpapa-oral sex umano sa dalawang plebo sa panibagong kontrobersya sa PNPA sa Silang, Cavite.
Ayon kay PNP Director General Oscar Albayalde, inatasan na niya ang PNP Directorate for Investigation and Detective Management (DIDM) na imbestigahan ang nasabing kalaswaan at parusahan at sampahan ng kasong administratibo at kriminal ang mapapatunayang may sala.
Hinihintay na ni Albayalde ang opisyal na report sa insidente na nangyari nitong Oktubre 6 pero noong Oktubre 21 (Linggo) lang ng hapon sumingaw matapos magreklamo ang mga biktimang plebo.
Ayon naman kay PNPA Dir. C/Supt. Joseph Adnol, sa reklamo ng dalawang underclassmen pinuwersa umano silang mag-perform ng oral sex nang magkamali sa utos ng isang upperclassmen habang dalawa pa ang nanonood lamang at walang ginawa.
Tiniyak ng PNP Chief na kapag napatunayang nagkasala ang tatlong upperclassmen ay sisiguraduhin niya na masisibak ang mga ito sa akademya.
Aminado naman si Albayalde na may natatanggap na siyang alingasngas hinggil sa panghahalay sa mga plebo kaya bago pa man ang insidente ay sinibak na niya ang mga pulis na nakatalaga sa PNPA na may dalawang taon na ang serbisyo rito kasama ang mga senior officers.
Mananatili muna rito si Adnol hanggang sa mailipat na sa kontrol ng PNP ang PNPA at PNP Training Institute upang madisiplinang mabuti ang mga kadete.
Noong Marso 2018 ay una nang niyanig ng kontrobersya ang PNPA matapos ang graduation ceremony nang bugbugin ng mga naka-bonnet na junior classmen ang anim na mga bagong gradweyt.
Related video:
- Latest