Impeachment complaint vs Duterte ibinasura sa Kamara

MANILA, Philippines – Pinatay na kaagad ngayong Lunes sa committee level ng Kamara ang impeachment complaint laban kay Pangulong Rodrigo Duterte.

Umabot sa 42 miyembro ng committee on justice ang bumoto sa closed-door session para ibasura ang reklamo ni Magdalo Rep. Gary Alejano.

Ayon sa komite ay sufficient in form ang reklamo ngunit insufficient sa substance kaya naman hindi na ito diringgin pa.

Ito ang kauna-unahang impeachment complaint na isinampa laban kay Duterte at dahil nabasura ito ay sa susunod na taon pa maaaring muling may maghain.

Pinuna ng mga mambabatas ang kawalan ng personal knowledge ni Aljeano sa kaniyang reklamo.

Sa reklamo ni Alejano nitong Marso ay nagkasala umano si Duterte ng betrayal of public trust at paglabag sa Saligang Batas.

Mahihirapang lumusot ang mga reklamo laban sa pangulo dahil binubuo ang Kamara ng "supermajority" na mga kaalyado ng administrasyon.