Body camera sa police ops - solon
MANILA, Philippines – Nais ni Muntinlupa Rep. Ruffy Biazon na magsuot ng body camera ang mga pulis habang nasa gitna ng operasyon laban sa mga kriminal.
Sa House Bill 2741 o Body Camera Bill na inihain ni Biazon, nais nito na matulad sa mga pulis sa Amerika ang mga pulis sa Pilipinas na may suot na body camera sa tuwing nasa duty o sa police operation.
Ang panukala ay inihain ng kongresista sa gitna ng mga umano’y extrajudicial killings at sa hinala na sadyang tinutuluyan ng mga pulis ang mga napapatay na mga drug suspects at kinakatwiran lamang na nanlaban ang mga ito.
Paliwanag ni Biazon, malaki ang maitutulong nito para maiwasan na sila ay maakusahan nang paglabag sa karapatang pantao.
Bukod pa umano ito sa magiging dokumentado ang kanilang mga operasyon.
- Latest
