FVR dumalaw kay JPE
MANILA, Philippines - Bumisita kahapon si dating Pangulong Fidel V. Ramos kay Sen. Juan Ponce Enrile na nakapiit sa PNP General Hospital sa Camp Crame sa lungsod Quezon.
Ayon kay Ramos, in good spirit naman si Enrile, bagama’t may problema itong medikal, lalo na ang mataas na blood pressure at sakit sa mata.
Sabi pa ni Ramos sa kanilang pag-uusap ng senador hinggil sa kalusugan nito, nasa ilalim naman ng maayos na medical monitoring ang kanyang kalusugan ng mga medical services ng PNP.
Kaugnay naman anya sa morale, maaring hindi umano ito partikular na masaya, dahil mayroon lamang itong maliit na kuwarto na maaring magkasya lamang ang dalawang bisita.
“Don’t worry, brother Eddie,” sabi anya ni Enrile, “this is only in passing. I think we can handle it.”
Alas-3 ng hapon nang dumalaw si Ramos kay Enrile kung saan tumagal lamang ito ng isang oras.
- Latest
