China pumorma na sa West Phl Sea
MANILA, Philippines - Nababahala si PanguÂlong Aquino sa panibagong aktibidad ng China kung saan maraming barko nito ang nakadeploy na sa West Philippine Sea.
“Ang latest report na natanggap natin, we are again bothered that there seems to be developments in other areas with the disputed seas,†wika ng Pangulo.
Aniya, may movement ng ships ang China sa Mabini reef at may indikasyon din umano na ginagamit ang mga barkong ito sa reclamation malapit sa Gavin at Calderon Reefs.
Pero sa kabila nito, nananatili naman ang paninindigan ng Pangulo na idaan sa mapayapang paraan ang pagresolba sa usapin.
Iginagalang din niya ang desisyon ng China na hindi sumali sa legal na proseso matapos tumangging sagutin ang arbitration case ng Pilipinas sa international tribunal.
Naniniwala si Aquino na ang pagdulog sa international tribunal ang pinaka-epektibong paraan upang mapayapang maresolba ang sigalot sa teritoryo sa West Philippine Sea.
Magugunita na nagpalabas ng procedural order ang Hague-based tribunal sa China kaugnay sa reklamo ng Pilipinas subalit patuloy na tumatanggi ang China na sumali sa proceedings.
Ipinagpipilitan ng China na kanila ang mga disputed areas na nasa South China Sea na inaÂangkin din ng Pilipinas.
- Latest
