Bebot tinangkang itumba ng kapwa ‘tulak’
MANILA, Philippines - Nasa kritikal na kondisyon ang isang babae matapos barilin ng karibal sa pagbebenta ng shabu sa Navotas, kamakalawa ng gabi.
Ginagamot sa Tondo Medical Center sanhi ng tama ng bala sa tiyan ang biktimang si Jacklyn Leongson, 42, ng Leongson Ext., Tabing Dagat, Brgy. San Roque ng naturang lungsod.
Pinaghahanap naman ng mga pulis ang suspek na si Marlon Quijano, 30, kalugar at karibal ng biktima sa pagtutulak ng shabu.
Ayon sa Navaotas City Police, naganap ang insiÂdente alas-11:15 ng gabi habang patulog na ang biktima sa loob ng kanilang bahay nang pasukin at barilin ng suspek.
Tumakas ang suspek matapos ang pamamaril habang agad namang dinala ang biktima sa naturang ospital kung saan nasa malubha itong kalagayan.
Ayon sa ulat, kapwa ‘tulak’ ng droga ang dalawa sa kanilang lugar at sinasabing gusto ng suspek na masolo ang pagbebenta ng shabu dahil sa malaki ang kikitain kung walang kakompetensiya kaya pinagtangkaang itumba ang biktima.
- Latest
