Kim dunay upcoming movie

CEBU, Philippines — Malipayong gipahibalo sa head sa  ABS-CBN Films nga si  Kriz Gazmen nga dunay umaabot nga proyekto  sa Star Cinema ang Cebuana actress nga si Kim Chiu. Ang katapusang pelikula ni Kim sa maong movie outfit kay ang  horror movie nga "U-Turn" niadtong  2020. "We’ve been wanting to work together again for years now but timing is everything, and now, it’s finally happening ," social media post ni Gazmen.

Ipasalida sa laing nasud

Ipasalida  didto sa France ug Amerika sulod karong tuiga  ang  Filipino classic film nga "Bona" nga gibidahan sa beteranang aktres nga si  Nora Aunor.Kahinumdoman nga sikat ang maong pelikula niadtong  1980.  Si  Lino Brocka ang direktor niini kinsa natudlo nga   Philippine National Artist for Film and Broadcast Arts.

Fake tweets

Nabalaka ang Kapuso star  nga si Alden Richards kalabot sa nikatap nga  fake tweets kalabot nila ni  Kathryn Bernardo. Suma pa sa aktor nga dili siya tig-post sa kasikas nila ni Kathryn.

Kylie mirampa sa Cannes Film Festival

Usa ang Beauty queen -actress  nga si Kylie Verzosa sa mga nirampa sa  red carpet atol sa pagbukas sa   77th Cannes Film Festival niadtong Miyerkules sa gabii. Nitambong siya sa  screening  sa   "Le Deuxième Acte (The Second Act)," nga dunay  star-studded audience nga sama nila ni  Meryl Streep ug Heidi Klum.

Gisul-ob niya ang  gown nga mugna ni Mark Bumgarner.

Dakong garbo alang kang Kylie nga makatikang sa maong prestihiyosong kalihokan.

Zayn nakasuway og dating app

Giangkon  ni Zayn Malik nga gisuwayan niya kaniadto ang dating app  nga Tinder apan wala gyud siya nagmalampuson sa pagkaplag og partner.

Sa interview niya sa  Nylon magazine,  gisaysay niya nga dunay ubang tawo nga niakusar nga dili tinoud ang iyang account sanglit dili kini motoo nga duna siyay  dating app .

“Everyone accused me of catfishing.

They’re like, ‘What are you using Zayn Malik’s pictures for?’," matud pa sa singer kinsa nisaysay nga kaduha na ka higayon nga natangtang siya  sa maong appWala na siya nipadayon sa pagpangita og ka-date gumikan kay kontento na siya sa iyang pagka-single.

Dunay problema sa kasingkasing

Sa labing ulahi nga pagpakonsulta sa doktor , gikatahong dunay problema sa kasingkasing si Kris Aquino. Sa artikulo nga namantala sa PEP,  gikatahong  taas pud og cholesterol ang aktres.

Kahinumdoman nga taod-taod na nga nag-istar si Kris sa laing nasud alang sa pagpaalim sa gipamati sa iyang lawas.

Arci maulaw maningil

Dili na magpautang og kuwarta si Arci Muñoz ngadto sa iyang mga higala gumikan kay dili siya kahibalo maningil niini .

Suma pa sa aktres nga siya na hinoun ang maulaw maningil .

Mahadlok pud siya nga malain kaniya ang iyang gipaninglan.