Gugmang nag-uros uros

CEBU, Philippines — Dili gyud malilong ang nagpungasi nga gugma ni Jane Oineza ngadto sa iyang boyfriend nga si RK Bagatsing.

Gikilig og maayo ang ilang fans sa birthday message ni Jane ngadto kang RK nga napuno sa sweet nga mga pulong .

“Celebrating YOU today. Happy Birthday to my bestfriend, my lover, my baby, my partner in cime, my support system, my honeybee, my Khino. I love you to the moon and back,” Instagram post ni Jane.

KathNiel, LizQuen, ug JaDine sa ALLTV

Nisikad na ang pag-ere  kagabii  sa ALLTV ang  tulo ka mga  Kapamilya series  nga naglangkob sa  Pangako Sa’yo (2015),” “Forevermore,” ug  “On The Wings of Love”.

Nalakip usab ang game show nga  “Minute To Win It” nga maoy mag-una sa dili pa ang “TV Patrol” . Sila si Daniel Padilla ug  Kathryn Bernardo ang mga bida sa  “Pangako Sa’yo”  nga makita  sa 8 pm.

Samtang ang  “Forevermore” nila ni Enrique Gil ug Liz Sobrano kay makita matag 8:45 pm ug pagasundan  sa  “On The Wings of Love” nila ni Nadine Lustre ug James Reid , 9:30 pm.

Gipahinungdan sa award

Gipahinungod  ni  Coco Martin ngadto  kang anhing Jaclyn Jose ug  Dreamscape head nga si  Deo Endrinal ang nadawat nga rekognasyon sa primetime drama series nga  “Batang Quiapo.  Ang maong teleserye maoy nakaangkon sa award nga Popular TV Program-Primetime Drama sa Box Office Entertainment Awards.

Makita na sa telebisyon 

I-ere na sa telebisyon sugod karong Mayo 25 ang  Filipino adaptation sa "What's Wrong With Secretary Kim" nga gibidahan nila ni  Kim Chiu ug  Paulo Avelino ". Makita kini matag weekends  sa  Kapamilya Channel, A2Z, ug TV5 sugod nahisgotang petsa. Ang maong digital series kay unang nakita sa streaming site nga Viu niadtong Marso .

Panghinaot alang  sa anak

Nagmalaumon si Karla Estrada nga mahimong okay ang iyang anak nga si Daniel  Padilla . Mao kini ang gisaysay sa aktres sa guesting niya sa vlog ni Bernadette Sembrano."I always pray that he will be okay but at the end of the day, 'yung question na kamusta 'yung anak ko, kamusta si Daniel, si Daniel lang ang tanging makakasagot nang buo nu'n.As a mother, I always pray for the best for my son, para sa mga anak ko, hindi lang kay Daniel, and I always pray na sana better sila," ni Karla pa.

“Moonlight” sa SB19 gipaluyohan sa mga lig-on

Ang  US-based producer ug  DJ Ian Asher, Chinese electronic producer Terry Zhong, ug   Lenno Linjama maoy nagpaluyo sa summer anthem  sa SB19 nga  “Moonlight”.

Sa taho sa Interaksyon , gi-mix ang maong awit ni  Serge Courtois kinsa nakatrabaho na sa mga dili basta-basta nga performers nga sama nila ni  Carly Rae Jepsen, Alessia Cara, Nick Jonas, LANY ug  Madison Beer.

 “This kind of music is new to us. The production is very current yet experimental, but it also gives us room to explore and expand our horizons as artists. The collaboration really brought out the best of all worlds, and being part of the process, really opened our creative realm to exciting new possibilities,”tipik sa statement sa SB19. Ang “Moonlight” kay madungog sa nagkadaiyang  digital music platforms worldwide pinaagi sa Liquid State/Sony Music Philippines.

Mensahe ni Xian  ngadto sa iyang ex

Gisumsoman dayon sa netizens  ang gibuhian nga  mga pulong  Xian Lim  atol sa pagduwa niini sa Family Feud sa  GMA-7 .Kahinumdoman nga gipangutana sa  host nga si Dingdong Dantes ang mga nagdula, lakip na si  Xian, kun unsa ang ilang isulti ngadto sa ilang ex kun magkasugat sila niini.

Nasayran nga  pipila ka buwan na nga nagbuwag sila si Xian ug ang  Kapamilya  actress  nga si Kim Chiu.

Panghinaot sa  aktor nga nakit-an na sa iyang ex ang kalipay nga gipangita niini.

"Pag nakasalubong mo ang ex mo, you should say na, ‘I hope you do find the happiness that it is you’re looking for.Ganon lang, dapat masaya, di ba? Dapat masaya kayo para sa isat- isa.,” tubag pa ni Xian.

Gikatahong malipayon  na karon si Xian sa iyang bag-o nga  girlfriend nga si Iris Lee.

Taping ni Juday sa  “The Bagman” gisugdan na

Miarangkada na si Judy Ann Santos  alang sa  taping sa  action drama series nga “The Bagman”  kun diin kauban niya sila si John Arcilla ug  Arjo Atayde. Nagpasalamat si Juday sa mga naglangkob sa  “The Bagman” gmikan sa  sorpresa nga giandam niini sa  set alang sa iyang birthday .

Ang “The Bagman” kay magsilbing  acting comeback ni Juday human sa lima ka tuig, ug nidala siya sa karakter nga presidente sa  Pilipinas butang nga gikahinaman sa iyang fans.

Sa dul-an tulo ka dekada niya sa showbiz,   dili gyud malimtan ang iyang mga programa sa telebisyon kaniadto nga sama sa  “Mara Clara,” “Esperanza,” ug  “Gimik” .

Sikat usab kaayo ang iyang mga pelikula kaniadto nga  “Isusumbong Kita Sa Tatay Ko,” “‘Till There Was You,” ug  “Kasal, Kasali, Kasalo.”

Sofia mipahuway sa pagpa-cute

Mas mature na ang pag-arte ni  Sofia Pablo  sa teleseryeng Prinsesa ng City Jail.

"May pressure kasi kailangan makita nila talaga 'yung transition, 'Ay 18 na siya, ay nag-mature na siya, dalaga na siya,' ganoon po,"saysay pa sa aktres ngadto sa GMA News. Kauban niya sa maong proyekto sila si Beauty Gonzales, Denise Laurel, Dominic Ochoa, Keempee de Leon, ug  Allen Ansay.

Pagadalhon ni  Sofia ang karakter sa dalaga nga inatiman sa usa ka  guwardiya sa city jail.

Knapsack Dancers nakadaog sa Powerful Daegu Festival 2024

Ang pambato sa Dakbayan sa Sugbo  nga Knapsack Dancers maoy nakaangkon sa unang ganti  sa Powerful Daegu Festival 2024 - Foreign Competition Category nga gipahigayon dili sa niaging adlaw  didto sa South Korea.

Nakuha usab niini ang creativity award  alang sa Foreign Performance Group Category.

Katigi nila sa maong kompetisyon mao ang pipila ka mga  grupo  nga gikan sa South Korea, Japan, Indonesia, Thailand, ug Taiwan.