“Huni kang  Santo Padre Pio alang sa Santuario”

CEBU, Philippines — Top 12 finalists gipahibalo na

Top 12 finalists

1. Martyr of Love (Fr. Randy Figuracion )

2. A Pious Man of God (Jundel ug Katrina Bacalso)

3.  Imung Gihalad (Alvin Gantuangco)

4.  Santo Padre Pio, Ilaw ng Simbahan

(Emmanuel Labrador Abellana)

5.  Pag-ampo, Paglaum, Ayaw Kabalaka (Almer Bulay Mabalato)

6 . Wounds of Christ (Ogie Melga)

7. Oh Padre Pio, l-Ampo Mo (Jeson Evalarosa Buynay)

8. Wounds of Love (Jay-arr Librando)

9. Santo Padre Pio, Gimahal ka Namo (Andrew Mori Sanchez)

10. Sa Ngalan Mo (Christian Dominic Diola)

11.  Wounds of Crucifixion  (Erwin Lirazan)

12.  Oh Francisco, Our Padre Pio (Hardie ug Ma. Angelica D. Bigcas)

Gcipahibalo na ang mga orihinal nga komposisyon nga nalakip sa  listahan sa opisyal nga finalists sa “Huni kang  Santo Padre Pio alang sa Santuario” human sa lapad nga screening nga gihimo sa niaging adlaw.

Nilanat gyud og taas nga oras  ang gihimo nga screening aron maseguro gyud  nga lig-on ang napili nga Top 12 finalists.

Mao kini ang  labing una nga songwriting competition nga gidumala sa Saint Padre Pio Home for the Relief of Suffering-Philippines Foundation Inc. .

Gikatahong  uba-ubay ka entries ang ilang nadawat gikan sa mga mahiligon mogama og

awit sa nagkalain-laing dapit sa kalibotan. .

Tumong niini ang pagpahibaw sa kadaghanan alang sa mga maayong nahimo ni Santo Padre Pio.

Tipik sa mahipos gikan sa maong kalihokan kay gamiton sa  nagpadayon nga konstruksyon sa Santuario ni Padre Pio nga nahimutang sa Barangay Pulangbato, bukirang bahin sa Dakbayan sa Sugbo.

Gikatahong ubay-ubay na gyud ka debotos ni Padre Pio ang regular na  nga motikang sa maong dapit.

Una na nga gibutyag ni  Msgr .Roger Fuentes ,ang Spiritual leader sa Padre Pio Contemplative Community of Cebu, nga ang  katuyoan sa maong kalihokan sa musika mao ang pagtimbaya sa adlaw nga natawhan sa maong santos.

Ang pagpasundayag sa napili nga opisyal nga finalists kay mahitabo karong Mayo 25, 2024 diha sa IC3 Convention Center Cebu.

Matud pa sa  event director nga si Aljin Abaquita ug sa musical director nga si Roy Tabasa nga himoon gyud nila ang kutob sa ilang

mahimo aron hugyaw ug makahuloganon ang maong kalihokan.

Sa nanging interview , gisaysay sa  group leader sa maong international organization nga si Dr. Richard T. Saing ug presidente sa foundation nga si Maximiano Fulache nga espesyal kaayo sa kinabuhi sa katawhan ang mga maayong binuhatan sa St. Padre Pio nga nitabang gyud sa mga nanginahanglan .

Matud pa nila nga ang pagtabang sa tawo kay wala pili , ug usa kini sa  mga maayong sundon  sa tanan.

Ang mga mananaog kay makadawat og P100,000 (grand champion ), P75,000 (1st runner-up) P50,000 ( 2nd runner-up), P10,000 (best Interpreter ), P10,000 (best arrangement) ug P10,000 (Best Recording Audio ).Ang ubang finalists kay makadawat og P20, 000.