^

Banat Showbiz

Kapamilya primetime shows dunay mga bag-ong  pasabog

Sanden J. Anadia - Banat
Kapamilya primetime shows dunay mga bag-ong  pasabog
Coco Martin

“FPJ’S Batang Quiapo” nagsaulog sa ilang 1st anniversary

CEBU, Philippines — Nagsagunson na ang mga  pasabog sa  mga programa sa  primetime  sa ABS-CBN Studios kun diin usa na niini ang  “FPJ’s Batang Quiapo” nga nagsaulog sa ilang unang anibersaryo.

Nipagawas na og kulbahinam nga  trailer ang “FPJ’s Batang Quiapo” alang sa bag-ong hugna sa maong teleserye kun diin makita  ang mga rebelasyon sa mga  karakter nga mahimamat ni Tanggol (Coco Martin) nga sama nila ni Tessie Tomas, Jaime Fabregas, Nonie Buencamino, Malou Crisologo, Elijah Canlas, Ara Davao, Dan Alvaro, Renz Fernandez, ug Yce Navarro.

Nagpadayon usab ang selebrasyon sa “Batang Quiapo” nga gipangulohan ni Coco ug ubang  cast sa pagtuyok sa nagkalain-laing dapit sa nasud, ug usa na niini ang Baguio City karong Marso 2.

Sa laing bahin , nagkainit na usab ang mga  eksena sa “Linlang: The Teleserye Version” matag alas 8:45 sa gabii ilabi na nga  nabuking na ni Victor (Paulo Avelino) ang pagbinuang sa iyang asawa nga si Juliana (Kim Chiu) ug ni  Alex (JM de Guzman).

Padayon usab nga gipakilig nila ni  Caroline (Belle Mariano) ug  Bingo (Donny Pangilinan) matag alas  9:30 sa gabii ang viewers sa  “Can’t Buy Me Love” , ilabi na karon nga nibalik na ang karakter ni  Annie (Ina Raymundo) .

Naghatod usab og Good vibes matag weekend ang  back-to-back sa bag-ong season sa  “The Voice Teens” (Sabado sa  alas 7:15  ug  Dominggo sa alas  7 :00 sa gabii ; weekends sa alas 7:15  sa gabii sa TV5) ug “I Can See Your Voice” (Sabado sa alas  8:45 sa gabii ug Dominggo sa  alas  8:30 sa gabii ; weekends sa alas 8:45 sa gabii  sa TV5).

Samtang duna pu'y tsansa nga makadaog ang  viewers sa dul-an   P1.5 million nga  total prizes sa “Primetime Panalo.” Aron makadaog ,kinahanglan nga motan-aw lang sa “FPJ’s Batang Quiapo,” “Linlang,” “Can’t Buy Me Love,” “The Voice Teens,” ug “I Can See Your Voice” nga makita sa  Kapamilya Channel, A2Z, TV5, Kapamilya Online Live, o iWantTFC, i-scan ang QR code nga i-flash sa screen o maglog-in sa www.joinnow.ph/KOL, ug ipadala  ang tubag.

Sila si Melai Cantiveros ug Jennica Garcia ang molingaw sa  viewers sa online tambayan sa live gap show sa Kapamilya Online Live nga “Primetime Bayan,” .

Makita ang  “FPJ’s Batang Quiapo,” “Linlang,” “Can’t Buy Me Love,” “The Voice Teens,” ug “I Can See Your Voice” sa Kapamilya Channel, A2Z, TV5, Kapamilya Online Live, iWantTFC, ug TFC.

Forever na gyud

Gisaulog nila ni Khalil Ramos ug  Gabbi Garcia dili pa lang dugay ang 7th anniversary sa ilang relasyon. Suma pa ni Gabbi nga sa kadugay sa ilang relasyon , matawag na gyud niya si Khalil nga lalaki nga makauban niya sa tibouk kinabuhi.

Milugwa sa EDSA

Pipila ka performers ang nilugwa sa  38th anniversary  sa  EDSA People Power Revolution nga gipahigayon sa   EDSA Shrine niadtong Dominggo sa gabii.  Gihimo ang konsyerto nga nag-ulohan og  "EDSA Kahit Saan" . Ni-perform  sila si Bayang Barrios, Bituin Escalante,ug uban pa . Naa usab ang grupo nga The Company, ingon man usab sila si Jaime Fabregas,  Elijah Canlas, Mitch Vlades ug ang  Magalona brothers nga sila si Elmo ug Arkin.

Mga bag-ong higala

Usa sa dili malimtan ni  Alexa Ilacad atol sa pagtikang niya sa  Eras Tour sa  Japan, mao ang pagbaton niya og daghang higala nga gitawag niya og co-Swifties.  "It was so wholesome and every trade made me so kilig!! ,' IG post sa aktres.

Janella- Jane movie nagkahanap

Gikatahong dili madayon ang pagahimoon nga girl love movie nga pagaparesan  unta  nila ni Janella Salvador ug Jane de Leon.

Aminado si Janella nga duna na'y mga pasiunang pagtuki kalabot niini apan kalit nalang nahilom.

Kahinumdoman nga  niuyon na unta sila si Janella ug Jane  sa maong klase nga proyekto . Hinoun nagmalaumon gihapon ang duha nga madayon kini sa saktong panahon. 

Basher nila ni Ruru ug Bianca napalaw

Wala kapanukod ang basher sa relasyon nila ni Ruru Madrid ug Bianca Umali human kini kalmadong gitubag sa usa mga hingtungdan. Ang maong basher nipadayag nga wala'y chemistry sila si Ruru ug Bianca .

Gitubag kini ni Ruru nga wala sila  manginahanglan og chemistry gumikan kay kontento na sila sa gugma nila sa usag-usa.

“Haha ‘di naman namin kailangan ng chemistry. Love lang sapat na!”,' ni Ruru pa. Kapila na kahigayon nga gi-bash ang ilang  relasyon apan wala gyud sila nagpaapekto.

Bea ug Dominic nag-date?

Niulbo karon ang hungihong nga sekretong nag-date ang kanhi mag-uyab nga sila si   Bea Alonzo ug  Dominic Roque busa daghan ang nagduda nga basin nagbalik na ang duha.

Una na nga nitumaw ang chika sa niaging adlaw nga naningkamot gyud og maayo si Dominic nga mahinabi og balik si Bea.

Kahinumdoman nga ubay-ubay ka mga pangalan ang nadamay sa ilang breakup.

vuukle comment

COCO MARTIN

Philstar
x
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with