Kulot mapasalamaton kang Vice

CEBU, Philippines — Natandog gyud si Vice Ganda sa sulat nga iyang nadawat gikan sa "Isip Bata" kid star nga si Kulot.

Nagpasalamat ang maong bata ngadto kang Vice gumikan kay mao kini ang nagpasikat kaniya.

"Thank you po meme sa pagpapasikat sa akin at thank you din po sa pagpapadala sa akin dito sa Showtime," mensahe pa ni  Kulot.

Nangayo usab siya og pasaylo kang Vice gumikan kay dunay higayon nga dili siya modoul  sa TV host.

"Sorry po pala kung minsan hindi po kita nayayakap kase po nahihiya ako pero mahal po kita Meme Vice," ni Kulot pa

Gikatahong gipaistar usab  ni Vice si Kulot ug ang pamilya niini sa iyang condo unit.

"Thank you din po sa pagpapatira sa inyo pong condo salamat po meme, Love you po,” matud pa ni Kulot.

Magkagrabe  ang aksyon

Gipaneguro ni Coco Martin nga mas  magkagrabe ang mga twist ug dugang aksyon nga  mga eksena sa  "FPJ’s Batang Quiapo" nga padulong na moduha ka tuig sa ere.  Himoon gyud ni Coco ang tanan aron segurado nga malingaw ang  viewers sa maong teleserye. “The more na nahihirapan kami, the more na pinaghihirapan namin ang production o isang bagay na ginagawa namin, yung fulfillment talagang 'pag pinapanood na namin, paano natin nagawa yun?” saysay pa sa aktor ngadto sa ABS-CBN News.

Misuroy sa Australia

Gisaulog sa Kapamilya actress nga si  Kathryn Bernardo ang  Valentine's Day didto sa Australia kauban ang iyang  best friend nga si  Arisse de Santos .  Nalingaw gyud og  maayo  si Kathryn sa pagsuroy niya sa maong dapit.