Espesyal nga adlaw

Dili gyud malimtan ni  Heaven Peralejo ang bag-ohay lang niya nga pagsaulog sa iyang 24th birthday gumikan kay gitambongan gyud kini sa mga minahal niya sa kinabuhi.“Being surrounded by this much love, laughs, and joy is the only birthday wish I could ever ask for,” suma pa sa aktres.

Mi-renew

Mi-renew ang komedyante nga si Chad Kinis sa iyang management contract sa Viva. Mapasalamaton si Chad sa mga maayong opportunidad  nga iyang nadawat sa maong talent agency.

Supportive partner

Bukas si Julia Barretto sa pagdawat og dugang daring roles sa iyang mga proyekto . Matud pa niya nga wala ra siya'y problema niini sanglit duna siya'y supportive partner sa kinabuhi . Pasabot niya mao ang iyang boyfriend nga si Gerald Anderson. Gawas sa iyang uyab, gipasalamatan usab niya ang suporta  sa iyang pamilya ug mga higala . —Sanden J. Anadia

Nag-iyahay og pasumbingay

Nabatyagan sa mga himantayon ang  cryptic messages nila ni  Kyline Alcantara ug Carmina Villarroel sa social media nga naghisgot og kalinaw.

Si Kyline ang uyab sa anak ni Carmina nga si Mavy Legaspi. Nasayran nga pipila ka adlaw na nga gisumsoman ang hungihong nga nagbuwag na sila si   Kyline ug Mavy.

Sa Instagram story ni  Kyline  sa niaging gabii, nagbilin siya og mensahe nga ," “I was taught that keeping quiet kept the peace. Until I realized, ( whose)peace is it keeping." Samtang  duna pu'y  social media post  si Carmina  nga "Protect your peace."

Sa niaging adlaw , dunay post si Carmina alang kang Mavy ug Kyline kalabot sa nanggawas nga mga hungihong .

"Dear Mavy and Cassy, people can destroy your image, damage your personality, create rumors about you but they can never take away your good deeds," matud pa ni Carmina.

Giatngan na sa ilang fans ang direkta nga  tubag niini  kalabot sa isyu

Bianca nag-birthday sa Palasyo

Gisaulog ni  Bianca Manalo ang iyang  37th birthday didto Malacañang busa puwerti niyang lipaya.

Sa post niya sa Instagram , makita nga kauban niya ang iyang hinigugma nga si Senador Sherwin Gatchalian, ingon man usab si Presidente Ferdinand Marcos Jr.  ug ang kapikas sa kinabuhi  niini nga si Liza Araneta-Marcos .

"Never in my wildest dreams have I ever thought of celebrating my birthday in Malacañang, to be hosted by our very own President Bongbong Marcos and First Lady Liza Araneta-Marcos. Together with the Philippine senators and spouses. I am beyond grateful! I am 37 but still feels 27," saysay pa sa beauty queen-actress.  —SJA

Juday ug John mosulod sa Bagman

Malakip sila si Judy Ann Santos ug  John Arcilla sa bag-ong season sa series nga "Bagman" nga gibidahan ni Arjo Atayde.

Gikatahong ilusad ang maong proyekto sa  Asia TV Forum (ATF) market sa Singapore sa umaabot nga mga adlaw.

Kahinumdoman nga napili si Arjo isip best actor sa  2020 Asian Academy Creative Awards gumikan sa maayo niya nga performance sa  niaging season sa Bagman. —Sanden J. Anadia

Sexbomb girls nag-reunion

Subling nag-uban ang  Sexbomb Girls alang sa usa ka  house party dili pa lang dugay .

Gipaambit  ni Rochelle Pangilinan sa Instagram ang hulagway sa ilang reunion.

“Sexbomb girls in the house!! Get get," caption pa ni Rochelle. Gikalipay niya og maayo nga makita og balik ang iyang karaan nga mga higala

“Ang saya lang makita at makasama kayong muli. Dati sabay kumain,maligo at matulog. Ngayon may kanya kanya ng buhay. Sarap ng kwentuhan at tawanan kagabi. Ulitin natin to,”  ni Rochelle pa.

Lakip sa nitambong sa maong  party sila si  Izzy Trazona, Cheche Tolentino, Weng Ibarra, Sandy Tolentino, Shane Ignacio, Mhyca Bautista, Mae Acosta, Cynthia Yapchingco, Mia Pangyarihan,Sunshine Garcia, Aifha Medina, Monic Icban ug Allen Nera.

Gikagat dayon ang trailer

Mapasalamaton si Dingdong Dantes sa mga positibong feedback  nga nadawat sa unang hugna sa trailer sa pelikula nila ni Marian Rivera nga "Rewind".

Kahinumdoman nga nakalangkat kini og  7.2 million views sulod lang sa  24 oras sukad sa  pag-release niini.

“Grateful kami sa lahat ng feedback, nagulat din kami dahil nagkaroon sila (viewers) ng mga haka-haka kung sa anong tatakbuhin ng kwento. Nagkakaroon ng iba’t ibang usapan tungkol sa pelikula, at iyon din ang gusto namin after nila manood—pag-usapan at mainspire sila sa makukuhang feeling after the movie,”  nagkanayon si Dingdong .

Ubos kini sa direksyon ni Mae Cruz-Alviar, ug  official entry  usab kini sa ABS-CBN Film Productions Inc. (Star Cinema), APT Entertainment, Inc. , ug Agosto Dos Pictures sa 2023 Metro Manila Film Festival. —Sanden J. Anadia

Igsoun ni Michelle  gikagobtan

Mikulit og atensyon sa viewers ang igsoun ni Michelle Dee nga si Abraham Lawyer sa dihang giubanan niini ang iyang igsoun sa mga TV interview niini.

Kasagaran sa mga reaksyon kay nagkanayon nga lahi ra gyud ang kagwapo ni Abraham, apan kun siya ang pasultion , kanunay  ra siya  nga mapaubsanon.

"Every time people say that I'm famous or something like that, I just have to keep a humble face or humble attitude. I really don't see how famous I'm becoming. I just take it as a privilege, a blessing," saysay pa niini. 

Wala nagpaulahi ang beauty queen nga si Pia Wurtzbach sa pag-post og hulagway nga kuha atol sa pagtikang niya sa deserto sa Dubai.(IG; piawurtzbach)

Todo laag sa Spain

Nag-enjoy og taman ang magtiayong Derek Ramsay ug Ellend Adarna sa pagsuroy nila sa Spain kauban ang ilang pamilya.

Gisaulog nila dili pa lang dugay ang ilang second wedding anniversary .

Gipaneguro sa duha nga espesyal gyud ang ilang pagsaulog niini.

" Daisy " ni Unique

Gisugdan na ni Unique Salonga ang pag-promote sa iyang  album nga  ‘Daisy’.

Gidalit kini sa  O/C Records inubanan sa The New Hue. Kahinumdoman nga nakapahuway ang singer og tulo ka tuig busa dako ang kalipay niini nga    magpadayon ang iyang karera.

“It is an album that was created using only limited or thoughtfully selected sounds, which I find to be challenging to do,” suma pa ni Unique.

Nalakip pud sa maong album ang  “Haring Araw,” “Away Bati,” ug “Di Mapalagay".

Jona mipasilong sa Viva

Mipirma na og kontrata sa Viva  Artist Agency sa niaging adlaw ang  Asia’s Fearless Diva  nga si Jona  ug giklaro niya nga nananghid siya og tarong atol sa pagbiya niya sa Star Music nga gipanag-iya sa ABS-CBN.

Nitambong sa contract signing sila si  VAA Head Veronique del Rosario-Corpus ug  Viva Entertainment CEO and President Boss Vic del Rosario.

Niadtong  2015 pa unta siya mobalhin sa Viva apan wala kini nadayon ,ug  gitawgan pud siya og balik niadtong 2020 apan maglisod siya og dawat gumikan kay duna pa siya'y mga proyekto sa Star Music.

Apan karong tuiga ,human sa lapad nga negosasyon , gidawat na gyud niya ang tanyag sa Viva.

Nahimo usab siya nga kabahin kaniadto sa grupong La Diva sa GMA-7.

Bisan paman nga  nipasilong na siya sa  Viva , padayon gihapon nga makita si Jona sa Kapamilya  musical variety show nga   ASAP Natin ‘To.