Pribadong relasyon

CEBU, Philippines — Giangkon ni Kylie Verzosa nga duna siya’y non-showbiz boyfriend ug dili kini Filipino.    Mas gipili ni Kylie ang pribadong relasyon  aron seguradong magmalinawon ang ilang relasyon.  Wala pa masulod sa iyang huna-huna nga i-post sa social media ang ilang hulagway . Iyaha ra nga ipublikar ang iyang uyab sa saktong  panahon.

Wala gihapon magtingog

Dili intresado  si Kitkat nga mag-uli ang maayong kabubot-on nila ni Janno Gibbs. Dul-an na sa tulo ka tuig human sila nag-away niini .  Nagkauban ang duha kaniadto sa NET 25 show nga Happy Time.  Suma pa sa komedyanteng aktres nga wala na sila’y angayan pa nga   istoryahan .

Padayon ang taping

Gibutyag ni  Maja Salvador  nga tulin ra ang dagan sa taping sa sitcom nila ni Vic Sotto sa GMA-7 nga Open 24/7. Gani duna pa sila’y nakalinya nga mga skedyul  sa taping.  Sukwahi kini sa nikatag nga hungihong nga mawala na sa ere ang maong show.

Vilma ug Maricel mag- collab sa vlog

Madayon ang planong kolaborasyon sa vlog  nila ni Vilma Santos ug Maricel Soriano  ug giagad nalang karon ang bakante nila nga mga skedyul. Nasayran nga busy kaayo ang duha sa tagsa-tagsa nila nga mga pelikula  .

Suma pa ni Ate V sa higayon nga mahuman na ang pagpasalida sa ilang mga pelikula , isunod dayon nila ang pag-umol sa vlog  nga ilang pagaparesan. Padayon ang paghuna -huna nila sa mahimong content niini.  

JoshLia subling magpares sa pelikula

Gikatahong magpares og balik sa usa ka pelikula sila si  Joshua Garcia ug Julia Barretto.

Niulbo ang taho nga matud pa ang  banggitang  direktor  nga si Cathy Garcia-Sampana maoy mohupot niini.

Nagmaya ang JoshLia  fans  human nigawas ang balita nga subling magpares ang ilang mga idolo.  Ang katapusan nila nga pelikula  mao ang  Block Z niadtong Enero 2020.

Nag-uban usab  sila sa music video sa  awit ni Moira de la Torre nga "Paubaya".