Hugyaw nga National Costume

CEBU, Philippines —  Gipakita na sa  representante sa Pilipinas  alang sa Kids Star International pageant  nga si Nikolah Lavadia ang iyang national costume  nga gidesinyo ni Bjay Menguito.

Sa Facebook post sa  handler ni Nikolah nga si Leo Sanchez, nag-unang inspirasyon sa maong national costume kay ang isda nga gitawag og “sinarapan”    ug naghatag usab kini og paghulagway kun unsa ka abunda sa sea pearls ang Pilipinas. Lumulopyo sa Naga City ,Cebu   si Nikolah ug una na nga gibutyag niini  nga  ang suporta sa mga Pinoy maoy naghatag kaniya og igong kusog sa pagsalmot niya sa maong indigay.

Ang Kids Star International pageant  kay  pagahimoon didto sa  Thailand  karong Disyembre 3 ,2023. Kahinumdoman nga nitikang na siya sa  Thailand sukad pa sa pa sa niaging semana  alang sa nakalinya nga pre-activities sa maong indigay .

Enchong pasok sa international movie

Nagpanikad na si Enchong Dee sa pagsugat sa 2024 gumikan kay duna’y siya’y umaabot nga international movie sa maong tuig.

Giisip kini sa aktor nga usa ka nindot nga regalo  nga iyang nadawat gikan sa Kahitas-an.

Gikatahong talagsaon pud  ang mahimong dagan sa istorya sa maong pelikula  nga seguradong atngan sa iyang fans.

Mapasalamaton ang aktor sa maayong dagan sa iyang acting career.

Marco ug Heaven nagpaklaro na

Nitumaw karon ang chika nga tataw nga  dunay relasyon sila si Marco Gallo ug  Heaven Peralejo  ug usa sa mga basehanan niini mao ang ilang sweet video  sa TikTok.

Una na nga gibutyag sa duha kaniadto nga nag-ilhanay na sila og maayo sa usag-usa ug bukas sila sa posibilidad  nga magkadayon.

Apan dunay nitumaw nga mga pagduda nga taod-taod ang relasyon sa duha. Nagkapares sila si Heaven ug Marco kaniadto sa romantic series sa Viva One nga series “The Rain in España” nga gisundan sa pelikulang "The Ship Show." 

Marian misalmot og flash mob

Nasigpatan si  Marian Rivera nga  nihataw sa pagsayaw sa usa ka mall  sa Taguig City alang sa usa ka  flash mob sa niaging adlaw. Sa report sa Unang  Balita , gisayaw sa aktres ug sa ubang nisalmot sa flash mob  mao ang 2009 hit song niya nga  "Sabay Sabay Tayo."

Lakip sa nisayaw mao ang mga anak  niya nga sila si Zia ug  Sixto . Gikatahong nisikat og balik  ang maong awit  human  siya ni-perfrorm niini sa  TikTok.