The Pageant Newbie

CEBU, Philippines — Ang  pagkarelihiyoso,  mapaubsanon ug ang pagkamaabi-abihon, ang pipila sa mga  hiyas sa  mga taga Talibon Bohol.

Mao kini ang gibutyag sa lumad sa maong dapit  nga si Mary Therese Tabada  kinsa maoy naghupot sa titulong Bb. Talibon 2018.

Dili mahiligon sa pagsalmot og mga indigay  si  Therese, apan naaghat siya sanglit gusto pud niya suwayan ang mga butang  nga wala gyud masulod sa iyang huna-huna sukad pa kaniadto.

Duha lang ka indigay ang iyang nasalmotan. Gawas sa Bb. Talibon 2018, nalakip usab siya sa Top 5 sa Ms. Compostela 2018.

“Mao ra jud na ako naapilan, wala jud na sa akong mga plano gyud.   Pero nice man diay suwayan ang ingon ana nga mga butang,” suma pa niya.

Usa sa iyang nakat-onan sa pagsalmot og indigay, mao ang paghatag og nindot nga inspirasyon ngadto sa ubang kabatan-onan ilabi na ang pagpalambo sa pangalan sa ilang dapit.

“Dinhi man gud sa Talibon, daghan kaayo og hidden treasures.   Dili gyud mo magmahay sa kanindot sa among lugar,” matud pa niya.

Nagkanayon si Therese nga gumikan sa Bb. Talibon 2018, magsilbi kining taytayan sa plano niya puhon nga mosalmot pa og dugang prestihiyosong indigay.

Usa sa iyang istilo mao ang pagrampa nga kalmado  aron dili maapektohan ang iyang maayong performance sa entablado.

Hinuon gipasalig niya nga dili gyud niya pasagdan  ang pagtungha ilabi na karon busy siya sa iyang pagka-  architectural student sa University of San Carlos.

QandA

Banat Hugyaw: Unsa ang imong adbokasiya sa kinabuhi?

Therese:    Target gyud nako nga ma-preserve gyud ang atong mga heritage site.   Atong huna-hunaon nga ang atong culture, mao na ang root kung asa ta naggikan. Ganahan kay ko moapil basta ing-ana nga mga program.

BNH:  Qualities sa usa ka beauty queen.

Therese: Dapat strong  ug mohatag og inspiration ngadto sa katawhan.

BNH:  Unsaon nimo pag-handle ang problema sa pamilya?

Therese: Kung duna’y mga ingon-ana nga situation, kinahanglan lang gyud istoryahan  para ma-solve ang problema.

BNH: Aduna na ba’y panahon nga hapit naka mo-give up sa imong kinabuhi?

Therese:  Naa , kanang   nagdungan ang mga buhatonon. Pero bisan paman niana, dili gyud ko angay magpadala. Huna-hunaon lang nako  nga duna tay mga pangandoy sa atong life.

Banat Hugyaw: Kon mahiubos ang usa ka tawo diha kanimo, unsaon nimo kini pagsulbad?

Therese: Mag-talk lang gyud mi, dili gyud ko ganahan   nga dunay malain nako.  Importante lang gyud ang komunikasyon.

Banat Hugyaw: If you were an animal, what would you be and why?

Therese: Husky nga dog, kay willing gyud mo-serve  . Same sad mi og batasan, kanang pagka-observant.

Banat Hugyaw:  Essence of being a woman

Therese:  Wala gyud ingon nga label jud, ang woman maka-stand sa iyang kaugalingon.

Banat Hugyaw: Kanus-a ka makaingon nga usa ka kamaayo nga tawo?”

Therese: Kanang makakita ta sa atong isigkatawo nga naka-smile kay nalipay siya sa atong gibuhat.   Dili   ta mobuhat og bati kanila.

Banat Hugyaw:  Kanus-a ka makaingon nga “husband material” ang usa ka lalaki?

Therese:  Caring ug motuman gyud siya sa iyang mga promise.

Banat Hugyaw:  Naa naka’y uyab?

Therese:  Wala pa ko kasuway og uyab, strict ang parents.

Banat Hugyaw: Kanus-a man ka andam mosulod sa maong butang?

Therese:   Wala pa ko kahibalo, kay daghan pa ko laing priorities sa kinabuhi.

Fast Facts

Name:  Mary Therese Tabada

Nickname: Therese

Age: 18

Date of Birth:  April 27, 2000

Nationality: Filipino

Favorite song:  I Belong to the Zoo  by  Porter

Favorite movie:  50 First Dates

Celebrity Crush :  James Reid