Vice naniguro sa iyang panglawas
Preciosa L. Bacalso (Banat) - April 12, 2018 - 12:00am

CEBU, Philippines — Subling  gipaubos og CT scan ang komedyanteng TV host nga si Vice Ganda aron masuta og balik ang kondisyon sa iyang kidney.Sa Instagram post sa ABS-CBN reporter nga si MJ Felipe  gipaambit niini ang latest update kalabot sa TV host.

Nagmalaumon si Vice Ganda nga okay na unta ang iyang kondisyon aron makatodo na siya sa tabaho.

Kahinumdoman nga  gioperahan si Vice niadtong Pebrero  ug gikuha ang iyang kidney stones.

Duha ka adlaw gigama

Giangkon ni  Enrique Gil nga dili lalim ang pagama sa eksena kung diin namatay   ang karakter ni Ganda nga gidala ni Liza Soberano.

Matud pa niya nga bug-at kaayo ang maong eksena ug niabot gyud og duha ka adlaw ang pagama niini.

“Nand’un lang siya (Liza) nakikita ko siya but I can’t reach her. So that was a very hard scene to take. We took two days to shoot that. Napakahirap gawin noon, napakahirap,” saysay pa sa aktor  ngadto sa ABS-CBN News.

Sa maong episode,  kinahanglan nga mohunong ang mga nahibiling  Bagani  nga sila si  Lakas, Ganda, ug Dumakulem (Makisig Morales) sa usa ka dapit  aron   maluwas gikan sa mga kamot sa kontrabida nga si  Sarimaw (Ryan Eigenmann).

Kinahanglan nga isakripisyo ni Ganda  ang iyang kaugalingon aron maluwas si  Lakas.

Nahusay na

Emosyonal nga gitubag ni Joshua Garcia ang mga pangutana ni Boy Abunda mahitungod sa estado nila sa gidungog niya nga uyab nga si Julia Barretto. Matud pa ni Joshua nga wala madayon ang panag-uban nilang duha sa Bali, Indonesia gumikan kay aduna silay misunderstanding kalabot niining miulbo nga espekulasyon nga aduna silay “something” sa iyang fan nga ginganlan og Dane. Gitataw ni Joshua nga wala sila magbuwag ni Julia ug nahusay na nila ang maong kakulian. Kahinumdoman nga nag-viral ang screenshot diin nikomento  si Joshua sa instagram post sa usa ka babaye nga ginganlan og Dane.

Andam mag-kontrabida

Dawaton ni Anne Curtis-Heussaff ang tanyag kun ugaling hagdon siya ni Direk Erik Matti nga modala sa karakter isip Valentina sa bidahan nga pelikula ni Liza Soberano nga Darna. “Of course, siyempre naman iconic yun. More than anything, I’d be more interested siguro in playing a villainess. I have fun kasi in playing mga kontrabida dito so I’d totally be open to doing it”, suma pa ni Anne.

Kanunay gi-reject

Gibutyag ni “Kambal, Karibal” star Kyline Alcantara nga dili gyud lalim ang iyang gipang-agian una pa nagmabungahon ang iyang karera .Matud pa niya nga kanunay nga ma-reject ang iyang beauty sa mga audition nga iyang gisudlan kaniadto. “Lagi nga po akong na-re-reject sa bawat audition and sinasabi ko na lang nagsasayang na lang tayo ng oras d’yan. Pero buti andiyan po sila Mama at si Papa para sabihan ako na, ‘Kung pangarap mo talaga ‘yan, go lang nang go, and don’t give up on your dreams”, suma pa ni Kyline.

Sayop nga van

Trending karon ang  video  diin  confident nga misakay sa black van ang Kapamilya singer nga si Angeline Quinto. Nagtuo ang singer nga iyaha kini tungod kay sama kini og kolor sa iyang sakyanan. Nangayo ra usab og pasaylo si Angeline sa pagpataka niya og sulod sa maong van nga gipanag-iya ni Vice Ganda.

Pawala sa pressure 

Kasamtangang nagbakasyon karon si Sarah Geronimo aron wagtangon ang iyang kakulba sa iyang umaabot nga “This Is Me” 15th Anniversary concert. Matud pa ni Direk Paul Basnillo nga na-pressure na pag-ayo si Sarah tungod kay ang singer mismo ang nihikutar sa musical ug production number niini. .

Gabby nitingog na!

Mitingog na si Gabby Concepcion mahitungod sa dili na mahinayon nga reunion movie sa iyang kanhi kapares nga si Sharon Cuneta.  Matud pa niya nga wala gyud niya ang problema,  bisan siya ganahan gyud nga makabaton sila og reunion project ni Sharon.   Duna’y mga gustong buhaton ang producer sa maong proyekto apan sa dihang nisanong na siya niini, wala  mosugot si Sharon.

Solo flight

Memorable alang kang Maris Racal ang solo niya nga  pagbakasyon sa Siargao. Matud pa ni Maris nga mao kini ang iyang unang bakasyon nga dili niya  kauban ang iyang pamilya. Bisan og lisod pananghiran ang iyang inahan apan nisugot gihapon kini niya tungod kay gikumbinser niya nga kinahanglan niya nga maglulinghayaw aron mahupas ang  stress sa trabaho. “Parang gusto ko na umalis kasi sa time ng life mo, may time na nag-crave yung soul ko umalis”, suma pa ni Maris.

Nibilib ni Julie Ann

Nibilib pag-ayo ang Kapamilya singer nga si Daryl Ong sa kamaayo nga mokanta sa Kapuso singer nga si Julie Anne San Jose. Sa Instagram post ni Daryl, gipadayag niya nga unta mahatagan siya og higayon nga magkakolaborasyon sila ni Julie Ann puhon.

Nabaghoan

Nakasinati na gyud sa unang higayon si Glaiza de Castro nga dili na niya tan-awon ang iyang dagway inig human og take sa ilang taping sa GMA soap opera nga ‘Contessa”. Matud pa ni Glaiza nga nabag-ohan siya apan nakauyon ra siya  niini aron mas mapadali ang ilang trabaho.

Tulo ka Semana na lang

Tulo ka semana na lang ug matapos na  ang gibidahan nila ni Sylvia Sanchez ug Arjo Atayde nga “Hanggang Saan”. Midagan ang maong afternoon soap sulod sa lima  ka buwan sa telebisyon. Matud pa ni Sylvia nga angay nga pagatutukan ang nahibilin nga episodes niini gumikan kay napuno kini sa mga  pagtulun-an alang sa tanan.

 

VICE GANDA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with