Mga musubang nga bituon
(Banat) - December 30, 2016 - 12:00am

CEBU, Philippines – Hugyaw nga 2017 mga KaBisChika! Siyempre sa dili pa matapos ang tuig adunay pipila ka local talents nga nagpakita sa ilang katakos nga dili pud basta-basta . Alang sa inyong Yur’s truly,  sa wala’y pagduha duha ug wala’y kahadlok moingon ko nga  sila ang mga angay atangan sa local scenes karung tuig 2017. Wala kita nakahibalo basin dili lang diay ang local scenes ang ilang sakupon apan apil na niini ang kauluhan. Busa panukad na kay ania na ang mga Bisdak nga moarangkada para karung 2017!

1. The Power Twins Sheila & Sheina

Anak sa usa sa mga hugyaw nga artist supplier sa Sugbo ug negosyante nga si Ms. Aida Patana.  Wala ko nagdahum nga very talented kining iyang  twins, (aside sa iyang duha ka anak sa Power Trio), kay sa pagsige nako og host sa mga events ni Ms. Aida , nagpakita kini sa ilang talento sa pagsayaw busa nakaingon ko nga dunay future kining Power Twins sa local showbiz, mga gwapa ug buotan pa.

2 Alcano Sisters : Jaya, Andrea & Dave

Naila-ila nako ang Alcano sisters tungod ni Jaya nga usa ka comedienne ug usa sa mga miyembro sa Closet Dolls.  Tungod sa gipahigayon nga Show for a Cause kaniadto  alang kang  Jaya, diha na nilugwa ang other performers niyang sisters ug mga sisterettes pud diay. Si Dave, ako nang nailaila ug nakauban tungod sa mga raket namo ug maayo kini mokanta, nakaapil na kini og mga singing contest ug sa pagkakaron usa siya sa mga finalist sa Sinulog Idol  2017.  Si Andrea didto nako nailaila sa Show for a Cause, pagkababaye naman lang gyud og pamati hahahhahaha! Akong nahibaw-an nga silang Dave ang mupuli sa trono ni Jaya sa panahon nga dili pa kini mahimo nga mag-show. Na-hugyaw ko nga dunay usa ka event nilugwa ang Alcano Sisters.  Nakaingon ko hugyaw, basta wala’y magnilabad sa ilang mga sisters sa tuig 2017, moarangkada ilang grupo pero reminder lang kay Jaya, hinay-hinay lang kay importante ang atong health.

3.  Nashy Casas

Tungod sa House of Ella pinaagi sa ilang Manager nga si Anden Miles, akong nailaila si Nashy Casas. Unang higayon nako siya nakit-an mokanta sa dihang duna kami portion sa kanhi morning show sa GMA 7 Cebu ang BuenaMano Balita kun diin nagpa videoke challenge kami sayo sa kabuntagon. Ang usa sa mga contestant niadtong panahona kay si Nashy ug siya usab ang nakadaog sa maong videoke challenge. Human niadto, daghan na kaayong events nakauban nako si Nashy dili lang sa mga GMA show. Nahimamat usab nako siya sa nagkadaiya nga mga contest.   Makadaghan na nga higayon nga siya ang gihimong front act sa mga show sa  mall show sa GMA stars. Siguro wala pa naabot ang para kaniya nga makuha niya ang tropeo pero sa iyang istayl sa pagkanta ug right attitude plus matagaan og maayo nga break, karung 2017 Nashy Casas is a name to watch out for!

4. James Robert

Dili gyud nako kaila si James Robert personally. Una nako siyang nakit-an sa dihang ni audition siya sa GMA 7 Cebu alang sa  usa ka  screen test kay naa man ang GMA Artist Center sa Manila. Pagkahuman atong  hitaboa , wala na kaayo ko’y   balita kang  James. Usa ka adlaw niana, nakadawat ko og personal message nga naa na siya sa  Manila. Lumad  siya  nga taga Argao, Cebu ug  nagsugod isip model sa usa sa mga agency dire sa Sugbo. Half American, sakto sa barog ug karun  nag-manage niya sa Manila kay si Benjie Alipio,  ang nag-handle sa career ni Ejay Falcon. Nigawas na siya sa  pipila ka mga salida sa GMA 7 ug sa pagkakaron , naa siya’y indie film kauban si Aiko Melendez nga nag-ulohan og  “ Balat Kayo “ ug ang iyang   role kay anak ni Aiko  O diba Hugyaw?  Puwes. Karong 2017, atong paaboton ang iyang pagsidlak.

5. Stace Phelps Cervantes

Una nakong nakit-an sa male pageants ug sa modeling industry kining pure Pinoy pero mestizo nga si Stace Cervantes .  Hangtud  usa ka adlaw ana ,nag viral ang iyang video kauban ang iyang girlfriend  nga ang peg sa video kay ala Jamich. Usa ka adlaw na lang niana, na hugyaw ko sa dihang nakit-an nako siya nga very fit na ang lawas.  Gikan sa mga indigay sa gwapohay nilayat sa pagka Physique model.  Sa pagkakaron, nagpadayon kini og pagtungha sa CIT-U sa kursong BSBA major in Operations Management.  Usa pud siya ka freelance event host. Nag- manage  siya sa iyang gamay nga negosyo ug usa pud siya ka   Fitness coach - High Intensity specialist.

Maghinaut  ko nga ang local talents   nga akong nahisgutan nga napanglantawan nako nga mosidlak karong 2017,  dili mausab ang batasan o dili modako ang mga ulo.  Kinahanglan dili sila makalimot sa mga tawo nga nitabang nila. Ug labaw sa tanan magpabilin silang humble ug ibandera ang atong pagkaBisdak kung maabot sila sa kauluhan. - Yuri Richards

KABISCHIKA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with