CEBU, Philippines - Ang tubig maoy maisip nga labing importante nga likido nga kinahanglan imnon natong tanan nga adunay kinabuhi dinhi sa kalibutan gumikan kay ang tubig adunay mahatag nga kaayohan sa atong mga gipamati sa atong lawas.
Wala na’y laing makapatagbaw sa simpleng baso nga adunay tubig kun itandi kini sa tasa nga adunay kape o usa ka lata sa softdrinks.
Kun ang pang-adlaw-adlaw ang atong basehan, daghan gihapon kanato ang dili moinom og igong tubig.
Suma pa sa naturallivingideas.com, adunay posilibidad nga makadaot sa lawas kun padayon pa nato’ng ihikaw ang atong mga kaugalingon sa natural nga ilimnon.
Kun makasinati kamo sa bisan unsa sa mga mosunod, mao na kini ang timailhan nga kinahanglan na ninyong palambuon sa inyong kahimtang pinaagi sa pag-inom kanunay og tubig.
Sa maong sitwasyon , nagkinahanglan og igong tubig ang imong lawas.
Timailhan:
• Uga ang tutunlan ug baba
• Baho ang baba
• Baho og ilok
• Mag-uga og katol ang panit
• Bation og tumang kauhaw
• Mag-uga ang mata
• Makasinati og panakit sa imong lutahan
• Dali ka kapuyon
• Dili makapokus sa gihunahuna
• Makabatyag og kalipong
• Iritable sa palibot
• Magsakit ang tiyan o mao kini hinungdan sa ulcer
• Lisod ang paggaling sa kinaon
• Magpangita og tam-is ug parat nga pagkaon
• Adunay posibilidad nga magka Urinary Track Infection o UTI
• Magkadaghan ang dandruff sa buhok
• Dili tukma ang imong hitsura sa edad
• Lisod ang pagginhawa o adunay kakulian sa baga (BANAT NEWS)