Traydor nailhan na

CEBU, Philippines -  Giingong mabinantayon na si Daniel Padilla sa pakighinabi sa iyang mga higala ilabi na nga dunay nitraydor niya niadto nga maoy nagpakatap sa audio clip nga naghatag kaniya og problema. Nailhan ang maong tawo ug giingong higala kini sa aktor sulod na sa lima ka tuig.

Mag-showdown

Nagpanikad na si Charice sa iyang song number karong adlawa sa ASAP 19 gumikan kay makauban niya sa entablado ang R&B prince sa Pilipinas nga si Jay-R. Una kining higayon nga magkauban silang duha sa usa ka song number.

Suking bisita

Kanunay nga motikang si Alessandra de Rossi sa set sa seryeng My Destiny aron bisitahon ang gidungog niya nga boyfriend nga si Sid Lucero. Giingong sweet kaayo ang duha apan nagpaugat gihapon sa pagsulti sa tinud-anay nila nga istado.

Magtigom na lang

Gipadayag ni Daniel Matsunaga nga samtang wala pa siya'y uyab, magtigom siya og maayo aron maseguro ang iyang kaugmaon. Nagsagunson ang mga proyekto ni Daniel busa wala pa siya kadalikyat sa pagsulod sa maong butang.

Kutob ra sa show

Giklaro ni Eugene Domingo nga kutob ra sa programang Celebrity Bluff ang ka-sweet nila ni Jose Manalo. Nasayran nga ni-click ang tandem sa duha ug pipila sa ilang fans ang nangandoy nga magkadayon ang duha.

Palagot sa kontra?

Adunay mga pagduda nga palagot lang kang Jake Ejercito ang pakig-date ni Andi Eigenmann ngadto kang Brett Jackson. Giingong wala pa ka move-on si Andi sa panagbuwag nila ni Jake.

Marian mideretso sa trabaho

Human sa malampuson nga bridal shower ni Marian Rivera sa Disneyland Hongkong,  deretsohay dayon ang aktres sa iyang trabaho sa pagbalik niya dinhi sa Pilipinas. Nakabalik na si Marian sa segment nga Juan for All, All for Juan sa Eat Bulaga.

Ejay namiya og kalit

Dili katubag si Yam Concepcion kung dunay mangutana kaniya sa rason sa breakup nila ni Ejay Falcon. Suma pa ni Yam nga namiya lang og kalit kaniya si Ejay  ug wala siya'y ideya kung nganong kalit kining niputol sa ilang relasyon.

Star-studded

 Nagbaha ang local celebrities nga nilantaw sa concert sa international singer nga si John Legend niadtong Biyernes sa gabii sa Smart Araneta Coliseum. Kini naglangkob nila ni   Sarah Geronimo ,Matteo Guidicelli ,Angel Locsin , Luis ,Sarah Lahbati ,Richard Gutierrez, Bela Padilla , Neil Arce,  Robi Domingo ug  Gretchen Ho.

Concert ang peg

Gipahibalo ni Heart Evangelista ug Sen. Chiz Escudero  nga  usa ka concert wedding  reception ang gusto nila nga mahitabo sunod tuig. Todo pangandam na ang duha sa umaabot nila nga kasal ug gusto nila nga magmalipayon ang ilang mga bisita busa nahuna-hunaan nila ang maong konsepto.