Pacers mipalagpot sa Knicks,banggaon sunod ang Celtics
CEBU, Philippines — Ang Indiana Pacers milampornas sa New York Knicks, 130-109, sa tinagakay nilang Game 7 aron pag-abante sa NBA Eastern Conference finals kagahapon didto sa Madison Square Garden sa New York.
Hait kaayo ang Pacers nga mipasud og 53 sa 79 nila ka mga itsa nga nahimo nilang hinagiban ngadto sa 21 puntos nilang demolisyon a Knicks.
Si Tyrese Haliburton mi-iskor og 26 samtang sila si Pascal Siakam ug Andrew Nembhard midugang og 20 puntos matag usa alang sa Pacers, nga makig-engkwentro sunod batok sa Boston Celtics sa East finals.
"Just a great game overall, top to bottom for us," dason pa ni Haliburton. "We hadn't won on the road all series -- we just found a way."
Si Donte DiVincenzo miposa og siyam ka 3-pointers sa iyang 39 puntos apan nakawang ang eksplosibo niyang opensa sa Knick.
Si Jalen Brunson mihipos og 17 puntos ug siyam ka assists sa wala pa mibiya pagsugod sa katapusang kuwarter kay na-angol ng wala niining kamot. Ang Knicks igo lamang nakasikit ngadto sa sayes puntos human mabiyai sa Pacers og 15 puntos sa halftime.
- Latest