^

Banat Palaro

Natividad kampiyon sa CEPCA President's Cup 2024

Emmanuel B. Villaruel - Banat

CEBU, Philippines — Ang beteranong chess player nga si Richard Natividad maoy milugwa nga kampiyon sa Cebu Executives and Professionals Chess Association (CEPCA) President's Cup 2024 niadtong Sabado, Mayo 18, didto sa Robinsons Galleria Cebu.

Si Natividad mihuman sa pito ka hugna nga kompetisyon uban ang labing taas nga 6.5 puntos aron sakmiton ang titulo nga nagtangag og P8,000 nga ganting salapi.

Sila si Christopher Tubalado, National Master Arnolito Cadiz, ug Venancio Loyola Jr. mitak-op sa ilang kampanya bitbit ang managsamang 6.0 puntos apan si Tubalado ang mibulsa sa P5,000 nga premyo alang sa ikaduhang dapit tungod sa mas taas niyang tiebreaker.

Sila si Cadiz ug Loyola nakadawat og P3,000 ug P2,000 sa paglandig nila sa ikatulo ug ikaupat nga luna.

Mi-okupar sa ikalima ngadto sa ikaunom nga puwesto sila si Allan Pason ug Daniel Baylosis uban ang 5.5 puntos matag usa.

Sila si John Dave Lavandero, Joselito Loquez, Joel Pacuribot, NMs Leonardo Alidani ug Carlos Cabuenos, Lemuel Montero, Emmanuel Bryan Abujan, ug Arena International Master parehong mitali og 5.0 puntos aron pagpahiluna sa ikapito ngadto sa ika-14 nga dapit.

Si NM Rommel Ganzon, nga dunay 4.5 puntos, mikumpleto sa Top 15 sa usa ka adlaw nga pinug-anay sa utok nga gipasiugdahan ni CEPCA President Engr. Jerry Maratas isip kabahin sa selebrasyon sa adlaw niyang natawhan.

Sa laing bahin, ang top 2 players sa tagsa-tagsa nila ka mga kategoriya mao sila si Arnolito Cadiz ug Venancio Loyola (Cepcans A), Rafael Perez ug Edwin Alcarde Bacaron (Cepcans B), Glydel Janine Rodrigo ug Kristina Concepcion Belano (female), Leonardo Alidani ug Carlos Cabuenos (50-above), Daniel Baylosis ug John Dave Lavandero (Under 20), Lance David Gimena ug Neil Capangpangan (Under 18), Matteo Rafael Codinera ug Xander Dabriel Santos Escarda (Under 16), ug Paolo Palang ug Renier Vistar (unrated).

vuukle comment

CHESS

Philstar
x
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with