CEBU, Philippines — Si Ukrainian boxing great Vasiliy Lomachenko mipatikangkang sa nagkadugo nga Australyanong si George Kambosos sa ika-11 nga hugna aron sakmiton ang IBF lightweight title kagahapong adlawa didto sa RAC Arena sa Perth, Australia.
Bangis kaayo si Lomachenko nga mitumba ni Kambosos sud sa pipila ka higayon sa wala pa giundang sa hingpit sa reperi ang away,
"I'm again world champion. I want to come back home and spend time with my family," matud pa sa 36-anyos nga si Lomachenko, nga naghari na kanhi sa lighweight division ubos sa WBC ug WBA.
Si Lomachenko nagbitbit na karon og 18-3 rekord uban ang 12KOs.
Samtang si Kambosos nakatilaw ka itulo pa lamang niining pilde nga giatbangan og 21 ka daog, 10 niini pinaagi sa knockout.
Si Kambobos mapaubsanon taliwala sa kapakyasan ug midayeg pa gani ni Lomachenko.
"He's one of the best of all time. We tried our best, but he's a true champion," dason pa ni Kambosos agi'g pagsaludo sa Ukrainian niyang karibal.